اقتصادی رابطہ کمیٹی (ای سی سی) نے عوام پر ایک اور مہنگائی بم گراتے ہوئے ادویات کی قیمتوں میں 20 فیصد تک کی منظوری دے دی ہے۔
ای سی سی کی جانب سے ضروری (جان بچانے والی) ادویات میں 14 جبکہ عام ادویات میں 20 فیصد اضافے کی منظوری دے دی ہے۔
وزیر خزانہ اسحاق ڈار کی زیر صدارت کابینہ کی اقتصادی رابطہ کمیٹی کا اجلاس ہوا جس میں ادویات کی قیمتوں میں ردوبدل کی اجازت دی گئی ہے۔
ادویات کی قیمتوں میں ردوبدل کی اجازت ڈالر کے مقابلے میں روپے کی قدر گرنے کے پیش نظر دی گئی ہے جب کہ پالیسی بورڈ کو 3 ماہ بعد جائزہ لے کر قیمتوں میں کمی کے لیے تجاویز مرتب کرنے کی ہدایت بھی کی گئی ہے۔
(2/2)…fixation of wheat procurement targets for Sindh,Punjab and Baluchistan provinces for wheat crop 2022-23; and increase in max retail prices of drugs.
— Ministry of Finance, Government of Pakistan (@Financegovpk) April 28, 2023
ای سی سی کی جانب سے جاری اعلامیہ کے مطابق پنجاب، سندھ اور بلوچستان کو گندم کی خریداری کا ہدف مقرر کرنے ک منظوری بھی دی گئی ہے۔
اعلامیہ کے مطابق پنجاب 3900 روپے فی مین کے حساب سے 35 لاکھ میٹرک ٹن گندم خریدے گا، سندھ 400 روپے فی من کے حساب سے 14 لاکھ میٹرک ٹن گندم خریدے گا جب کہ بلوچستان 3900 روپے فی من کے حساب سے ایک لاکھ میٹرک ٹن گندم خریدے گا۔
