ایئر کموڈور ریٹائرڈ خالد چشتی نے کہا کہ بھارت کا جتنا دفاعی بجٹ ہے پاکستان کا کل بجٹ بھی اس سے کم ہے لیکن جو جنگ ہوتی ہے یہ وسائل کی زور پر نہیں بلکہ ایمانی جذبے سے لڑی جاتی ہے۔
یہ بھی پڑھیں:پاکستانی ایئرفورس کی بھارتی فضائیہ پر برتری، چینی ایئرکرافٹ کمپنی کے شیئرز کی قیمت بڑھ گئی
ان کا کہنا تھا کہ ہم لوگوں نے کبھی بھی کوئی جنگ اس لیے نہیں لڑی کہ ہم زیادہ طاقتور ہیں یا ہم بہت بڑے ہیں، بلکہ ہمارا ایمانی جذبہ ہے، ہم اس جذبے کے تحت لڑتے ہیں کہ ہم نے اپنی قوم کو فتح دلانی ہے۔
ان کا کہنا تھا کہ علاوہ ہماری ٹریننگ کا معیار بہت بہتر ہے یہی وجہ ہے کہ پوری دنیا سے لوگ فضائی ٹریننگ کے لیے پاکستان آتے ہیں۔
رافیل برتری
ایئر کموڈور ریٹائرڈ خالد چشتی گزشتہ پانچ سالوں میں پاک فضائیہ نے بہت ترقی کی ہے، بھارتی میزائل رافیل کی ڈیڑھ سو کلومیٹر کی رینج ہے، جبکہ پاکستانی جہاز جے 10 سی کے میزائل بی ایل 15 کی رینج 200 کلومیٹر ہے۔
میزائل میں بھارت پر برتری
اس طرح ہمیں میزائل میں بھی بھارت پر برتری حاصل ہے، جے ایف 17 تھنڈر کو بھی اپڈیٹ کیا گیا ہے، اب ہمارا ایک جہاز ایک میزائل نہیں بلکہ 4 میزائل کے ہمراہ اڑتا ہے۔
سائبر وار فورس میں ترقی
سائبر وار فورس میں بھی پاکستان نے بہت ترقی کی ہے، اس کے علاؤہ ڈرون یا وہ جہاز جس میں پائلٹ نہیں ہوتا اس میں بھی پاکستان نے بہت ترقی کر لی ہے۔
