متحدہ عرب امارات صدر شیخ محمد بن زید النہیان کا کہنا ہے کہ ان کی مملکت خطے میں امن اور استحکام کے حصول کے لیے امریکا کے ساتھ کام جاری رکھنے کی خواہاں ہے۔
یہ بھی پڑھیں: پاک بھارت جنگ بندی: سعودی عرب اور متحدہ عرب امارات کا خیر مقدم
عرب نیوز کے مطابق جمعرات کو ابوظہبی میں امریکی صدر ڈونلڈ ٹرمپ سے ملاقات کے دوران شیخ محمد بن زید النہیان نے امریکی صدر سے مخاطب ہوتے ہوئے کہا کہ آپ کے اقتدار سنبھالنے کے بعد سے دونوں دیرینہ سیکیورٹی اتحادیوں (امارات و امریکا) کے درمیان تعلقات میں نمایاں مضبوطی سامنے آئی ہے۔
انہوں نے مزید کہا کہ متحدہ عرب امارات جس نے مارچ میں امریکا میں 10 سالہ، 1.4 ٹریلین ڈالر کی سرمایہ کاری کے فریم ورک کا عہد کیا تھا دونوں ممالک کے فائدے کے لیے دوستی کو وسعت دینے کا خواہاں ہے۔
مزید پڑھیے: امریکی صدر ٹرمپ اگلے ماہ سعودی عرب، قطر اور متحدہ عرب امارات کا دورہ کریں گے
متحدہ عرب امارات اور امریکا نے ایک ٹیکنالوجی فریم ورک کے معاہدے کو حتمی شکل دی جس سے ابوظہبی کو امریکا سے جدید مصنوعی ذہانت کے چپس کی فراہمی کی جائے گی۔
واضح رہے کہ جمعرات کو امریکی صدر ڈونلڈ ٹرمپ نے سعودی عرب اور قطر کے دورے کے بعد خلیجی ریاستوں کے دورے کے آخری پڑاؤ متحدہ عرب امارات کے کے دارالحکومت کا دورہ کیا۔
