میکسیکو کی بحریہ کا ایک بحری جہاز نیویارک شہر کے بروکلین پل سے ٹکرا گیا، حکام کے مطابق اس حادثے کے نتیجے میں کم از کم 19 افراد زخمی ہو گئے جن میں سے 4 کی حالت تشویشناک ہے۔
🚨#BREAKING: Watch as a Massive Mexican navy ship crashes into the Brooklyn bridge with 200 passengers on board
Watch dramatic footage as a Mexican navy ship carrying 200 people crashes into the Brooklyn Bridge in New York. The vessel’s 150-foot masts… pic.twitter.com/OpyKpIRiJQ
— R A W S A L E R T S (@rawsalerts) May 18, 2025
آن لائن پوسٹ کی گئی ویڈیوز میں دیکھا جا سکتا ہے کہ جہاز بروکلین اور مین ہٹن کو ملانے والے پُل کے نیچے گزرتا ہو تو اس وقت اس کے 3 مستولوں کا اوپری حصہ پُل کے شاندار ڈھانچے سے ٹکرا جاتا ہے۔
ویڈیو میں اس ٹکراؤ کے بعد مستولوں کو پھٹتے اور جزوی طور پر گرتے دیکھا جا سکتا ہے۔
یہ بھی پڑھیں:ٹرمپ انتظامیہ نے بھارتی شہریوں پر زمین تنگ کردی، امریکا سے انخلا جاری
اس واقعے کے بعد میکسیکو کا بڑا سبز، سفید اور سرخ پرچم بردار یہ جہاز دریا کے کنارے کی طرف بڑھ گیا، جسے ساحل کی طرف آتا دیکھ کر وہاں موجود تماشائیوں نے دوڑ لگا دی۔
نیویارک شہر کے میئر ایرک ایڈمز نے کہا کہ حادثے میں 19 افراد زخمی ہوئے، جن میں سے 4 کی حالت تشویشناک ہے، تاہم 142 سال پرانے پل کو بڑے نقصان سے بچا لیا گیا۔
یاد رہے کہ بروکلین پل کو 1883 میں عوامی آمد و رفت کے لیے کھولا گیا تھا، شہر کے محکمہ نقل و حمل کے مطابق 100,000 سے زیادہ گاڑیاں اور ایک اندازے کے مطابق 32,000 پیدل چلنے والے روزانہ اس پل سے گزرتے ہیں اور اس کا واک وے سیاحوں کی توجہ کا ایک بڑا مرکز ہے۔
