پاکستان کے ڈپٹی وزیراعظم اور وزیر خارجہ، سینیٹر محمد اسحاق ڈار، چین کے خصوصی انتظامی خطے ہانگ کانگ پہنچ گئے۔
یہ بھی پڑھیں:اسحاق ڈار کا ازبک وزیر خارجہ سے رابطہ، دوطرفہ تعلقات پر تبادلہ خیال
ان کا یہ دورہ بین الاقوامی ثالثی تنظیم (IOMed) کی دستخطی تقریب اور دیگر دوطرفہ ملاقاتوں کے سلسلے میں ہے۔
ہانگ کانگ میں انصاف کے نائب سیکرٹری ڈاکٹر چئونگ کووک کوان، چین میں پاکستان کے سفیر خلیل ہاشمی، اور ہانگ کانگ میں پاکستان کے قونصل جنرل ریاض احمد شیخ نے ڈپٹی وزیراعظم کا استقبال کیا۔
اس دورے کے دوران اسحاق ڈار اہم علاقائی اور بین الاقوامی معاملات پر بات چیت کریں گے اور پاکستان کے مفادات کو فروغ دینے کے لیے مختلف سفارتی و تجارتی ملاقاتوں میں شرکت کریں گے۔
