لکی موٹر کارپوریشن نے سندھ بھر کی بڑی شاہراہوں پر جاری سڑکوں کی بندش اور احتجاج کی وجہ سے ملک کے بالائی علاقوں میں گاڑیوں کی ترسیل میں تاخیر کی تصدیق کی ہے۔
کمپنی نے اعلان کیا کہ اس نے اپریل میں طے شدہ تمام گاڑیوں کی ترسیل مکمل کر لی ہے۔ پیداواری کارروائیاں بلاتعطل جاری ہیں، اور لکی موٹر کارپوریشن اپنے وعدوں کے مطابق مئی کے تمام زیر التوا آرڈرز کو پورا کرنے کے لیے کام کر رہی ہے۔
یہ بھی پڑھیں:کیا موٹرز پاکستان میں اپنی پہلی الیکٹرک گاڑی کب لانچ کرے گا؟
کمپنی کے مطابق، موجودہ مظاہروں اور سڑکوں کی بندش سے گاڑیوں کی ٹرانسپورٹیشن متاثر ہو رہی ہے، خاص طور پر ان گاڑیوں کی ترسیل میں خلل پڑرہا ہے جن کے آرڈر شمالی اور وسطی علاقوں کی جانب سے موصول ہوئے ہیں، ان رکاوٹوں نے طے شدہ لاجسٹکس کے ساتھ آگے بڑھنا عارضی طور پر غیر محفوظ یا ناقابل عمل بنا دیا ہے۔
لکی موٹر کارپوریشن نے کہا ہے کہ وہ بدلتی ہوئی صورت حال پر گہری نظر رکھے ہوئے ہے اور راستے صاف ہونے اور محفوظ سمجھے جانے کے بعد باقاعدہ ڈسپیچ آپریشن دوبارہ شروع کرنے کے لیے لاجسٹک پارٹنرز کے ساتھ ہم آہنگی کررہا ہے۔
مزید پڑھیں:5 سال پرانی امپورٹڈ گاڑیوں پر پابندی ختم ہونے سے عوام کو کیا فائدہ ہوگا؟
لکی موٹر کارپوریشن نے اس بات پر زور دیا کہ اس کی ٹیموں، ترسیل کے عملے اور صارفین کی حفاظت اس کی اولین ترجیح ہے، جبکہ تاخیر کمپنی کے کنٹرول سے باہر ہے۔ ’اثرات کو کم کرنے اور ڈیلیوری ٹائم لائنز میں تبدیلیوں سے صارفین کو آگاہ رکھنے کے لیے تمام ممکنہ اقدامات کیے جا رہے ہیں۔‘
صارفین جنہیں مسائل کا سامنا ہے یا اپنے سپورٹ چینلز تک پہنچنے کے لیے مزید مدد کی ضرورت ہے، وہ کسٹمر کیئر ٹیم سے 021-111-111-542 پر رابطہ یا [email protected] پر ای میل کر سکتے ہیں، صارفین اپ ڈیٹس کے لیے اپنی قریبی مجاز ڈیلرشپ سے بھی رجوع کر سکتے ہیں۔
