امریکی صدر ڈونلڈ ٹرمپ نے نیٹو کے سیکریٹری جنرل مارک رُٹے کا ایک نجی پیغام عوامی سطح پر جاری کرکے عالمی سفارتی آداب کو ہلا کر رکھ دیا ہے۔
امریکی اخبار نیویارک ٹائمز کی رپورٹ کے مطابق یہ پیغام ایران پر ٹرمپ کی کارروائی کی تعریف پر مشتمل ہے۔ ایسے پیغامات کو عمومی طور پر عالمی رہنماؤں کے مابین خفیہ رکھا جاتا ہے۔
یہ بھی پڑھیں جنگ بندی کی خلاف ورزی پر اسرائیل اور ایران دونوں سے خوش نہیں ہوں، ڈونلڈ ٹرمپ
ڈونلڈ ٹرمپ نے نیٹو سربراہ مارک رُٹے کا پیغام اپنے سوشل میڈیا پلیٹ فارم ‘ٹروتھ سوشل’ پر پوسٹ کیا۔
یہ پیغام بظاہر محفوظ پیغام رسانی کی ایپلی کیشن ’سگنل‘ پر موصول ہوا تھا، جس میں رُٹے نے نہ صرف ایران کے خلاف ٹرمپ کی سخت کارروائی کو سراہا بلکہ اسے غیر معمولی فیصلہ قرار دیا۔
پیغام میں مارک رُٹے نے لکھا کہ ایران میں آپ کی فیصلہ کن کارروائی پر مبارکباد اور شکریہ۔ یہ واقعی غیر معمولی کام تھا، جس کی کسی اور عالمی رہنما میں ہمت نہیں تھی۔
یہ بھی پڑھیں امریکا اور اسرائیل جنگی مقاصد حاصل کرنے میں ناکام رہے، تجزیہ کار
رپورٹ کے مطابق نیٹو ہیڈکوارٹرز کی جانب سے بھی اس پیغام کی صداقت کی تصدیق کی گئی ہے، اور یہ واضح کیا گیا ہے کہ پیغام واقعی مارک رُٹے کی جانب سے امریکی صدر کو بھیجا گیا تھا۔
