ترکیہ کے وزیر خارجہ حکان فدان اپنے سرکاری دورۂ پاکستان کے سلسلے میں اسلام آباد پہنچ گئے۔ ترجمان دفتر خارجہ کے مطابق ایڈیشنل سیکریٹری سید علی اسد گیلانی نے معزز مہمان کا استقبال کیا۔
ترک وزیر خارجہ کے ہمراہ آنے والا وفد وزیراعظم شہباز شریف، نائب وزیراعظم و وزیر خارجہ اسحاق ڈار اور چیف آف آرمی اسٹاف جنرل سید عاصم منیر سے ملاقاتیں کرے گا، جن میں دو طرفہ دفاعی تعاون کو فروغ دینے کے اقدامات پر تبادلہ خیال کیا جائے گا۔
Turkish Defence & Foreign Ministers arrive in Islamabad for key defence and diplomatic talks. Strategic brotherhood in motion 🇵🇰🤝🇹🇷 pic.twitter.com/zGCLwLUDQk
— Mansoor Ahmed Qureshi (@MansurQr) July 8, 2025
اس سے قبل ترکیہ کے وزیر دفاع یاشر گوولر بھی گزشتہ رات ایک سرکاری دورے پر اسلام آباد پہنچے۔ دفتر خارجہ کے مطابق ان کا استقبال بھی ایڈیشنل سیکریٹری سید علی اسد گیلانی نے کیا۔
وزیر دفاع یاشر گوولر کی وزیراعظم شہباز شریف، نائب وزیراعظم اسحاق ڈار اور دیگر اعلیٰ سول و عسکری قیادت سے ملاقاتیں متوقع ہیں۔
ترک وزرا کے یہ دورے پاکستان اور ترکیہ کے برادرانہ تعلقات اور بڑھتے ہوئے تذویراتی تعاون کی علامت ہیں۔
