کبھی چھپکلی ہاتھ ہلا رہی ہے، تو کبھی شیر کے بچے شرارتیں کر رہے ہیں۔ جی ہاں، نیکون کامیڈی وائلڈ لائف فوٹوگرافی ایوارڈز 2025 ایک بار پھر قدرت کی دلفریب اور ہنسانے والی تصویروں سے دل جیت رہے ہیں۔ ان ایوارڈز کا مقصد صرف ہنسانا نہیں بلکہ قدرتی حیات کے تحفظ کا پیغام دینا بھی ہے۔ یہ مقابلہ 2015 سے جاری ہے اور اسے پیشہ ور و شوقیہ فوٹوگرافرز کے لیے منعقد کیا جاتا ہے۔
سال 2025 کی چند بہترین تصاویر:
چھپکلی کا الوداعی انداز
آسٹریلیا کے دریائی کنارے پر چھپکلی کا ہاتھ ہلانا، فوٹوگرافر ’ٹریور رِکس‘ کا شاہکار۔
ایک کوشش اور میرے بھائی
جنوبی افریقہ میں 2 شیر بچوں کی شرارت، ایک دوسرے کو درخت پر چڑھنے پر اُکساتے ہوئے، ’بھارگاوا سریواری‘ کی تصویر۔
زندگی سے بھرپور قہقہہ
دلدلی پانی میں 2 مڈ اسکیپر مچھلیاں، قہقہوں کی تصویر بن گئیں، ’ایما پارکر‘ کا کمال۔
’تو کھچ میری فوٹو‘
’جرمی ڈووکوٹ‘ کی تصویر میں ہرن ایسا لگتا ہے جیسے کیمرے کے لیے باقاعدہ پوز کر رہا ہو۔
قطار در قطار
انٹارکٹکا میں پینگوئنز کی قطار، سمندر میں چھلانگ لگانے کو تیار، ’مارٹن شمیڈ‘ کا دلکش لمحہ۔
میرا گھر میرا گلشن
’بران ہیپ اسٹیڈ‘ کی تصویر میں ایک مینا پرندہ اپنا بڑا سا گھونسلہ بنانے کی کوشش میں الجھ گیا۔
دھت تیرے کی
جاپان میں وائٹ ٹیلڈ سی ایگل اپنے شکار کی حفاظت کرتے ہوئے غصے میں، ’اینٹ کربی‘ کی بہترین تصویر۔
شاہی سواری
گیلاپیگوس جزائر میں ایک لاوا لزَر سمندری اگوانا پر سوار ہو گئی، جیسے کوئی نیا جہازبان ہو۔ ’راشیل میکنٹوش‘ کا خوبصورت کلک۔
ایوارڈز کے بانی پال جوئنسن ہکس کے مطابق ہماری دنیا خوبصورت اور باہم جڑی ہوئی ہے، لیکن انسان مسلسل اسے نقصان پہنچا رہا ہے۔ یہ تصویریں ہنسی کے ذریعے سنجیدہ پیغام دیتی ہیں۔ ایوارڈز کی فاتح تصاویر دسمبر 2025 میں لندن کی معروف گیلری میں نمائش کے لیے پیش کی جائیں گی۔
مزید پڑھیں: ناسا کے جہاز نیو ہورائزنز سے کھینچی پلوٹو کی تصاویر، سائنسدان ایک دہائی بعد بھی مسحور
اگر آپ بھی قدرت کے مزاحیہ لمحات کیمرے میں قید کرنے کے ماہر ہیں، تو اگلے سال اپنی تصویر ضرور بھیجیں۔ ہنسی کے ساتھ پیغام بھی دیں، یہی اس مقابلے کا اصل مقصد ہے۔
