مقبوضہ بیت شیمش (القدس گورنریٹ) میں سیوریج نکاسی کے نظام میں نامعلوم تکنیکی خرابی کے باعث گندے پانی کا سیلاب گلیوں میں پھیل گیا، عبرانی ذرائع نے اطلاع دی ہے۔
صیہونی حکومت کی واٹر اینڈ سیوریج کمپنی نے اعلان کیا ہے کہ ماہرین ان نامعلوم خرابیوں کو جلد از جلد دور کرنے کی کوشش کر رہے ہیں، تاہم کئی دن گزرنے کے باوجود مسئلہ حل نہیں ہو سکا۔
یہ بھی پڑھیں:آسکر یافتہ فلم کے کارکن اسرائیلی آباد کار کے ہاتھوں قتل
گزشتہ چند دنوں میں ان علاقوں کے شہری انفراسٹرکچر کو اسی نوعیت کی غیر معمولی اور نامعلوم خرابیوں کا سامنا رہا ہے، جن میں بغیر اطلاع کے بجلی اور پانی کی فراہمی منقطع ہونا اور سگنلنگ مسائل کی وجہ سے ریل سروس کی منسوخی شامل ہے۔ ان مسائل نے عوام کو شدید غصے میں مبتلا کر دیا ہے۔
ان علاقوں کے متعدد رہائشیوں نے سوشل میڈیا پر اظہار خیال کرتے ہوئے کہا کہ یہ حکومت اپنے آپ کو خطے کی سب سے طاقتور قوت قرار دیتی ہے، لیکن یہ نہ تو اپنے اہم شہری انفراسٹرکچر کا انتظام سنبھال سکتی ہے اور نہ ہی ان حادثات کی اصل وجہ تلاش کرنے کے قابل ہے۔ اس بدانتظامی نے شہری زندگی کو ناقابل برداشت بنا دیا ہے۔
