پاکستان میڈیکل اینڈ ڈینٹل کونسل نے ایم ڈی کیٹ 2025 کے امتحان کا شیڈول جاری کر دیا ہے، پی ایم ڈی سی کی جانب سے جاری اعلامیے کے مطابق ایم ڈی کیٹ کا انعقاد 5 اکتوبر 2025 کو کیا جائے گا۔
’امتحان انگریزی زبان میں اور کاغذی شکل میں ہو گا، جس میں 180 کثیرالانتخابی سوالات شامل ہوں گے جبکہ کوئی منفی مارکنگ نہیں ہو گی۔‘
یہ بھی پڑھیں:ایم ڈی کیٹ 2025 کب اور کہاں ہوگا؟ ٹیسٹ لینے والی جامعات اور فیسوں کی تفصیل جاری
پی ایم اینڈ ڈی سی نے فیس میں 80 فیصد اضافے کی افواہوں کی تردید کرتے ہوئے وضاحت کی ہے کہ امتحانی فیس میں صرف 1000 روپے یعنی 12.5 فیصد اضافہ کیا گیا ہے، جو عملی اخراجات، سیکیورٹی اور لاجسٹکس کو مدِنظر رکھتے ہوئے کیا گیا ہے۔
’اس اضافے کے بعد ایم ڈی کیٹ 2025 کی مجموعی فیس 9000 روپے مقرر کی گئی ہے، امیدواروں کے لیے رجسٹریشن کا آغاز 8 اگست سے ہو گا اور یہ سلسلہ 25 اگست 2025 تک جاری رہے گا۔‘
مزید پڑھیں:ایم ڈی کیٹ امتحانات مکمل شفافیت کے ساتھ منعقد کیے جائیں، قائمہ کمیٹی کی سفارش
پی ایم ڈی سی کے اعلامیے کے مطابق لیٹ فیس کے ساتھ رجسٹریشن 1 ستمبر 2025 تک کی جا سکے گی۔
