میٹا نے فیس بک اور انسٹاگرام ریلز کے لیے نیا AI وائس ٹرانسلیشن فیچر متعارف کرا دیا ہے جو مواد تخلیق کرنے والوں کو اپنی ویڈیوز کو متعدد زبانوں میں پیش کرنے کی سہولت فراہم کرتا ہے۔ اس جدید فیچر کے ذریعے صارفین کو ہر زبان کے لیے الگ ریکارڈنگ کرنے کی ضرورت نہیں رہے گی۔
فیچر کیسے کام کرتا ہے؟
یہ فیچر، جسے Meta AI Translations کہا جا رہا ہے، فی الحال انگریزی اور ہسپانوی (English-Spanish / Spanish-English) کے درمیان ترجمے کی سہولت دیتا ہے، جبکہ آئندہ مزید زبانوں کو شامل کیا جائے گا۔
یہ بھی پڑھیں:میٹا کے بچوں اور نوجوانوں کے تحفظ کے لیے کارآمد فیچرز، متعدد اکاؤنٹس بلاک
اس ٹول کے ذریعے نہ صرف آواز کا ترجمہ ممکن ہوگا بلکہ ویڈیو میں بولنے والے کے ہونٹ بھی AI لِپ-سِنگ کے ذریعے ترجمہ شدہ آواز کے مطابق حرکت کریں گے، جس سے ناظرین کو زیادہ قدرتی اور ہموار تجربہ ملے گا۔
طریقہ استعمال
تخلیق کار کو “Translate your voice with Meta AI” آپشن منتخب کرنا ہوگا۔
سیٹنگز میں جا کر ترجمے اور لِپ-سِنگنگ کو فعال یا غیر فعال کیا جا سکتا ہے۔
ریلس شیئر کرنے سے پہلے ترجمے کا پیشگی جائزہ لینے کا اختیار بھی دستیاب ہوگا۔
یہ بھی پڑھیں:فیس بک کے ہڈ حرام صارفین کے لیے بُری خبر، میٹا نے مونیٹائزیشن پالیسی میں تبدیلی کردی
جب ترجمہ مکمل ہو جائے گا تو صارفین کو نوٹیفکیشن ملے گا یا وہ Professional Dashboard میں جا کر ترجمے کو فائنل کر سکتے ہیں۔
مقصد اور اثر
میٹا کے مطابق اس ٹول کا مقصد گلوبل کنیکٹیویٹی کو مزید فروغ دینا ہے تاکہ تخلیق کار اپنی ویڈیوز زیادہ بڑے اور متنوع ناظرین تک پہنچا سکیں۔
یہ فیچر دنیا بھر میں بیک وقت متعارف کرایا گیا ہے اور بالکل مفت ہے۔
