وفاقی حکومت نے میجر جنرل نور ولی خان کو 3 سال کے لیے وزارت داخلہ میں ایڈیشنل سیکریٹری تعینات کردیا۔
میجر جنرل نور ولی خان(ہلال امتیاز ملٹری) تین سال کے لیے ایڈیشنل سیکرٹری وزارت داخلہ تعینات کردئیے گئے pic.twitter.com/Yt39s4ihqq
— Fahim Akhtar Malik (@writetofahim) August 25, 2025
نئی ذمہ داری سنبھالنے کے بعد وہ سول آرمڈ فورسز کے معاملات دیکھیں گے۔ اسٹیبلشمنٹ ڈویژن نے ان کی تعیناتی کا نوٹیفکیشن بھی جاری کردیا ہے۔
میجر جنرل نور ولی خان اس سے قبل وزارت دفاع میں خدمات انجام دے رہے تھے، تاہم انہیں وفاقی حکومت کی جانب سے ڈیپوٹیشن پر وزارت داخلہ بھیجا گیا ہے۔
واضح رہے کہ اس عہدے پر اس سے پہلے سہیل تاجک تعینات تھے، جنہیں ہٹا کر اسٹیبلشمنٹ ڈویژن میں رپورٹ کرنے کی ہدایت کی گئی ہے۔
