گزشتہ 24 گھنٹوں میں کورونا کے 18 مریض رپورٹ ہوئے، 7مریضوں کی حالت تشویشناک ہے۔
قومی ادارہ صحت ( این آئی ایچ ) کے مطابق گزشتہ 24 گھنٹوں میں ملک بھر میں کورونا کے 2ہزار 304ٹیسٹ کیے گئے جن میں سے 18 مریضوں میں کورونا وائرس کی تشخیص ہوئی۔
گزشتہ 24 گھنٹوں میں کورونا کے مثبت کیسز کی شرح اعشاریہ 78 فیصد رہی، ملک بھرمیں کورونا وائرس کے 7مریضوں کی حالت تشویشناک ہے۔
این آئی ایچ کے مطابق لاہورمیں کورونا کے 263 ٹیسٹ کیے گئے اور 4مریض رپورٹ ہوئے۔ لاہور میں مثبت کیسز کی شرح1 اعشاریہ52فیصد،رہی۔
گزشتہ 24گھنٹوں میں گلگت بلتستان میں کورونا کے 198 ٹیسٹ کیے گئے اور 3مریض رپورٹ ہوئے، گلگت میں مثبت کیسز کی شرح 1 عشاریہ52 فیصدرہی۔
