نائب وزیراعظم اسحاق ڈار نے پاکستان عالمی سطح پر ماحولیاتی انصاف کے فروغ اور عالمی مالیاتی ڈھانچے کی اصلاح کے لیے قائدانہ کردار ادا کررہا ہے۔
یہ بھی پڑھیں: قانون اور فیصلہ سازی میں تمام آرا کو سنا اور انکا احترام کیا جائے، اسپیکرز کانفرنس کا اعلامیہ جاری
پیر کے روز نائب وزیراعظم و وزیر خارجہ سینیٹر اسحاق ڈار نے انٹرپارلیمنٹری اسپیکرز کانفرنس (آئی ایس سی) کے کرٹن ریزر سے بطور مہمانِ خصوصی خطاب کیا، یہ کانفرنس رواں سال نومبر میں منعقد ہوگی۔
اپنے خطاب میں نائب وزیراعظم نے کثیرالجہتی، پارلیمانی سفارتکاری اور اقوام متحدہ کے چارٹر کے اصولوں کے مطابق تنازعات کے پرامن حل کے لیے پاکستان کے عزم کا اعادہ کیا۔
انہوں نے کہا کہ پاکستان کا حالیہ انتخاب اقوام متحدہ کی سلامتی کونسل کے 2025-2026 کے دورانیہ کے لیے اس بات کا ثبوت ہے کہ پاکستان عالمی سطح پر ماحولیاتی انصاف کے فروغ اور عالمی مالیاتی ڈھانچے کی اصلاح کے لیے قائدانہ کردار ادا کررہا ہے۔
یہ بھی پڑھیں: نائب وزیراعظم اسحاق ڈار کی سابق بنگالی وزیراعظم خالدہ ضیا سے ملاقات، باہمی دلچسپی کے امور پر گفتگو
اسحاق ڈار نے اس بات پر زور دیا کہ انٹرپارلیمنٹری اسپیکرز کانفرنس نہ صرف دو جماعتی اتفاقِ رائے کی عکاسی کرتی ہے بلکہ یہ ایگزیکٹو اور مقننہ کے مابین مکالمے، اعتماد سازی اور تعاون کے لیے ایک اہم پلیٹ فارم فراہم کرتی ہے۔
