سعودی عرب نے تھائی لینڈ اور کمبوڈیا کے درمیان سرحدی جنگ بندی کے معاہدے کا خیرمقدم کیا ہے۔
سعودی عرب کی وزارت خارجہ کی جانب سے جاری بیان میں کہا گیا ہے کہ یہ معاہدہ دونوں ممالک کے درمیان دیرپا امن کے قیام اور تنازع کے خاتمے کی جانب ایک اہم قدم ہے۔
یہ بھی پڑھیں: تھائی لینڈ سرحد پر نفسیاتی جنگ کے لیے بھوتوں کی آوازیں استعمال کررہا ہے، کمبوڈیا کا الزام
سعودی عرب نے اس موقع پر امن کے لیے سفارتی کوششوں کی مکمل حمایت کا اعادہ کیا اور کہا کہ مملکت ہمیشہ ایسے اقدامات کی حامی ہے جو عالمی امن واستحکام کو فروغ دیں۔
وزارتِ خارجہ نے اس عمل میں امریکا اور ملائیشیا کی مثبت کاوشوں کو بھی سراہا، جنہوں نے فریقین کو امن کے راستے پر لانے میں اہم کردار ادا کیا۔
یہ بھی پڑھیں: تھائی لینڈ اور کمبوڈیا کے درمیان جنگ بندی کا معاہدہ طے پا گیا
یاد رہے کہ تھائی لینڈ اور کمبوڈیا کے رہنماؤں نے امریکی صدر ڈونلڈ ٹرمپ کی ثالثی میں توسیعی جنگ بندی معاہدے پر دستخط کردیے ہیں۔
امریکی صدر نے تھائی لینڈ، کمبوڈیا اور ملائشیا کے رہنماؤں کے ہمراہ امن معاہدے پر دستخط کردیے، جبکہ امریکا نے تھائی لینڈ کے ساتھ معدینات کی تجارت کا معاہدہ بھی کیا ہے۔
