بالی ووڈ کے شہنشاہ امیتابھ بچن آج 31 اکتوبر کو پنجابی گلوکار اور اداکار دلجیت دوسانجھ کے ساتھ کون بنے گا کروڑپتی (KBC) 17 میں نظر آئیں گے۔ تاہم اس ملاقات کے بعد، سینٹرل ایجنسیز کو بچن پر کسی حملے کا خدشہ ہے۔ جس پر مرکزی ایجنسیز نے 83 سالہ اداکار کی سیکیورٹی پر خطرے کا جائزہ لینا شروع کر دیا ہے۔
’کون بنے گا کروڑ پتی‘ کے پرومو میں دلجیت دوسانجھ کو امیتابھ بچن کے پاؤں چھوتے دیکھا گیا۔ تاہم، خالصتان تنظیم ’سکس فار جسٹس‘ (SFJ) نے اس عمل پر شدید ردعمل ظاہر کیا اور کہا ہے کہ اس سے 1984 کے ہندو۔سکھ دنگوں کے متاثرین کی توہین ہوئی ہے۔ SFJ نے الزام لگایا کہ بچن نے اس وقت کے دوران ’خون کا بدلہ خون‘ کا نعرہ بلند کیا جس کے نتیجے میں بھارت بھر میں 30,000 سے زائد سکھ مرد، خواتین اور بچوں کی ہلاکت ہوئی۔
View this post on Instagram
SFJ کے سربراہ گروپت ونت سنگھ پنن نے دوسانجھ کو دھمکی دی ہے کہ وہ 1 نومبر کو آسٹریلیا میں شیڈول ان کے کنسرٹ کو متاثر کرنے کی کوشش کریں گے۔ تنظیم نے سوشل میڈیا پر #BoycottDiljit اور #PanthicJustice جیسے ہیش ٹیگز بھی چلائے ہیں۔
مرکزی ایجنسیز نے دونوں شخصیات کی سیکیورٹی کے حوالے سے جائزہ شروع کر دیا ہے تاکہ کسی بھی ممکنہ خطرے کو بروقت ناکام بنایا جا سکے۔
