ہانگ کانگ سپر سکسز 2025 کے نئے ایڈیشن کا آغاز ہوچکا ہے، جس میں دنیا بھر کے مشہور و معروف کرکٹرز ایک منفرد انداز کے مقابلوں میں حصہ لیتے نظر آرہے ہیں۔
پاکستان نے اپنے ابتدائی میچ میں کویت کو 4 وکٹوں سے شکست دے کر ٹورنامنٹ میں اپنے سفر کا ایک کامیاب آغاز کیا ہے۔
یہ بھی پڑھیں: ہانگ کانگ سکسز ٹورنامنٹ: عباس آفریدی قومی ٹیم کے کپتان مقرر
رواں سال کے مقابلوں میں ایک بار پھر دُنیا کے دو بڑے حریف، بھارت اور پاکستان، مدِ مقابل ہوں گے، دونوں ٹیموں کو ہانگ کانگ انٹرنیشنل سکسز 2025 کے پول ’سی‘ میں رکھا گیا ہے۔
The most entertaining cricket tournament #HongKongSuperSixes starts today. It's a short format where every moment is thrilling and enjoyable! 🔥✨️ pic.twitter.com/MuUUlr9mGv
— Asim Gorsi 🇵🇰 (@asimgorsi10) November 6, 2025
پچھلے سال کے ایڈیشن میں دونوں ٹیموں کا مقابلہ نہایت سنسنی خیز رہا تھا۔
آصف علی کی دھواں دار اننگز، 14 گیندوں پر 55 رنز، کی بدولت پاکستان نے بھارت کا 120 رنز کا ہدف محض 5 اوورز میں حاصل کر لیا تھا۔
ایشیا کپ کے دوران پیدا ہونے والے تنازعات کے بعد دونوں ممالک کے درمیان کشیدگی میں مزید اضافہ ہو گیا ہے، جس کے باعث اس میچ نے شائقینِ کرکٹ کی توجہ اپنی جانب مبذول کر لی ہے۔
مزید پڑھیں: سابق پی ایس ایل کرکٹر عرفان جونیئر پر گیند سے چھیڑ چھاڑ کے الزام میں 5 میچز کی پابندی
اب سب کی نظریں اس بات پر مرکوز ہیں کہ دنیش کارتک کی قیادت میں بھارتی ٹیم کس طرح کا مظاہرہ کرتی ہے۔
پاکستان اور بھارت کا یہ ہائی وولٹیج مقابلہ 7 نومبر بروز جمعہ کو ہانگ کانگ کے ٹن کوانگ روڈ ریکریشن گراؤنڈ میں کھیلا جائے گا۔
میچ پاکستانی وقت کے مطابق دوپہر تقریباً 12:35 بجے ٹاس کے ساتھ شروع ہوگا، جب کہ پہلا بال ایک بجے پھینکا جائے گا۔
مزید پڑھیں: پاکستان میں ٹیپ بال کرکٹ کی سب سے بڑی ڈیل، تیمور مرزا نے نئے سفر کا آغاز کرلیا
یہ منفرد بین الاقوامی ٹورنامنٹ ’کرکٹ ہانگ کانگ، چائنا‘ کے زیرِ اہتمام منعقد کیا جا رہا ہے، جسے انٹرنیشنل کرکٹ کونسل کی منظوری حاصل ہے، اس مقابلے میں 8 سے 12 ٹیمیں حصہ لیں گی۔
ہانگ کانگ سپر سکسز کو ٹیلی ویژن ناظرین کی دلچسپی اور تفریح کے لیے تیار کیا گیا ہے۔
یہ 6 کھلاڑیوں پر مشتمل مختصر طرز کا ٹورنامنٹ چھوٹے میدانوں میں کھیلا جاتا ہے، جہاں تیز رفتار بیٹنگ اور بڑے اسکور معمول کی بات سمجھے جاتے ہیں۔
