واٹس ایپ نے پیغام میں ترمیم کا ایک ایسا فیچر متعارف کروایا ہے جس کے ذریعے بھیجے گئے ٹیکسٹ میسجز میں 15منٹ تک تبدیلی کی جا سکے گی۔
سماجی رابطے کی ویب سائٹ اور دنیا بھر کے لوگوں کے لیے پیغام رسانی کا ایک سستا ترین ذریعہ واٹس ایپ پہلے ہی سے بھیجے گئے پیغامات کو Delete for everyone کے آپشن کی سہولت فراہم کرتا ہے۔
تاہم اب واٹس ایپ نے بھیجے گئے پیغامات میں 15منٹ تک ترمیم کرنے کا فیچر عالمی سطح پر متعارف کروا دیا ہے۔
واٹس ایپ کا یہ نیا فیچر پورے ٹیکسٹ میسج کو دوبارہ لکھنے کی بجائے ٹیکسٹ میں ترمیم کرنے کے آپشن سے وقت کی بچت ہو گی۔
فیس بُک کی ایک پوسٹ میں میٹا ہیڈ مارک زکر برگ نےواٹس ایپ پر نئے فیچر کا اعلان کیا۔اس فیچر کے ذریعے صارفین کو پورا ٹیکسٹ میسج ڈیلیٹ کیے بغیر ہی اپنی غلطیاں درست کرنے میں آسانی ہو گی۔
صارفین ٹیکسٹ میسج بھیجنے کے بعد 15منٹ تک اس میں ترمیم کر سکیں گے۔ یہ فیچر اینڈرائیڈ اور آئی او ایس ایپ پر تازہ ترین اپ ڈیٹ کے ساتھ دستیاب ہے۔ اسے واٹس ایپ کے ویب انٹر فیس پر بھی استعمال کیا جا سکتا ہے۔
کسی بھی بھیجے گئے واٹس ایپ ٹیکسٹ میسج کو سلیکٹ کرنے سےاسکرین پر مختلف آپشنز ظاہر ہوں گے۔ ان میں سے ایڈیٹ میسج کے آپشن کا انتخاب کرنے سے لکھے ہوئے ٹیکسٹ میسج میں تبدیلی کی جا سکے گی۔
لیکن جس شخص کو ترمیم شدہ ٹیکسٹ میسج بھیجا جائے گا اسے پتہ چل جائے گا کہ میسج میں تبدیلی کی گئی ہے۔
کمپنی نے ایک بلاگ پوسٹ میں اعلان کیا کہ یہ اپ ڈیٹ عالمی سطح پر تمام صارفین کے لیے متعارف کروائی جائے گی۔ اسے بھیجے گئے پیغام میں ٹائپنگ میں ہونے والی غلطی یا میسج میں مزید سیاق و سباق شامل کرنے کے لیے استعمال کیا جا سکے گا۔ اس پوسٹ میں مزید یہ بھی کہا گیا ہے کہ میسج میں کی گئی تمام ترامیم کوend-to-end encryptionکے ذریعے محفوظ کیا جائے گا۔
