کویتی ذرائع ابلاغ کے مطابق آئندہ برس جنوری میں ملک بھر میں 2 اضافی تعطیلات دی جائیں گی، جن میں نئے سال کی خوشیاں اور اسرا و معراج کی مقدس مناسبت شامل ہیں۔
یہ تعطیلات سال کے آغاز پر شہریوں اور رہائشیوں کو طویل وقفہ فراہم کریں گی۔
العطل الرسمية في البلاد لعام 2026 #الكويت pic.twitter.com/T47Gr5VbLR
— الاحداث الكويتية 🇰🇼 (@Ahdath_kw) November 29, 2025
رپورٹس کے مطابق نئے سال کی تعطیلات 3 دن پر مشتمل ہوں گی، جو جمعرات یکم جنوری سے شروع ہو کر ہفتہ 3 جنوری تک جاری رہیں گی۔
جبکہ معمول کا کام اتوار 4 جنوری سے دوبارہ شروع ہوگا۔
یہ بھی پڑھیں: کویت کا الیکٹرونک ویزا کیا ہے اور کون اپلائی کرسکتا ہے؟
اسی طرح اسرا و معراج کی مناسبت سے بھی 3 روزہ تعطیلات دی جائیں گی، جو جمعہ 16 جنوری سے اتوار 18 جنوری تک ہوں گی۔
حکام کا کہنا ہے کہ چونکہ 16 جنوری بروز جمعہ پہلے ہی سرکاری تعطیل ہوتی ہے، اس لیے اتوار 18 جنوری کو بطور متبادل تعطیل شامل کیا گیا ہے۔
مزید پڑھیں: نیویارک: وزیراعظم شہباز شریف کی کویت کے ولی عہد آسٹریلوی چانسلر سے الگ الگ ملاقاتیں
یوں سرکاری دفاتر اور اداروں میں کام پیر 19 جنوری سے بحال ہوگا۔
یہ تعطیلات شہریوں اور رہائشیوں کو مذہبی اور ثقافتی مواقع عقیدت و آرام سے گزارنے کا موقع فراہم کریں گی اور سال کے آغاز کو نسبتاً پرسکون و خوشگوار بنائیں گی۔
