پنجاب حکومت اور ٹرانسپورٹرز کے درمیان مذاکرات کامیاب ہوگئے ہیں۔
ٹرانسپورٹرز کے حکومت کے ساتھ مذاکرات کامیاب ہڑتال ختم کرنے کا اعلان
بھاری ٹرانسپورٹ کے لیے موٹر وہیکل آرڈیننس عارضی طور پر معطل کردیا گیا۔ pic.twitter.com/yCOwTkF6nI— M Raheel Moavia (@MRaheelMoavia) December 8, 2025
وزیرِ ٹرانسپورٹ پنجاب بلال اکبر خان کے ساتھ بات چیت کے بعد ٹرانسپورٹرز نے ہڑتال ختم کرنے کا اعلان کر دیا، جس کے بعد صوبائی حکومت نے پنجاب وہیکل آرڈیننس 2025 پر عمل درآمد عارضی طور پر روک دیا ہے۔
یاد رہے کہ ٹرانسپورٹرز نے بھاری جرمانوں کے خلاف لاہور سمیت صوبے بھر میں پہیہ جام ہڑتال کی ہوئی تھی۔
ٹرانسپورٹ اتحاد کا کہنا تھا کہ بھاری جرمانے، مقدمات میں نرمی اور ٹریفک آرڈیننس کی واپسی تک احتجاج جاری رہے گا۔
دوسری جانب سینیئر وزیر پنجاب مریم اورنگزیب نے واضح کیا ہے کہ ٹریفک آرڈیننس پر عملدرآمد روکنے کی خبروں میں کوئی صداقت نہیں ہے۔
