پاکستان مسلم لیگ (ن) کے صدر محمد نواز شریف اور وزیراعلیٰ پنجاب مریم نواز شریف نے مرحوم ایم پی اے عرفان شفیع کھوکھر اور میاں مرغوب احمد کی رہائش گاہوں پر جا کر اہلخانہ سے اظہارِ تعزیت کیا۔
یہ بھی پڑھیں: مسلم لیگ ن کے رکن پنجاب اسمبلی عرفان شفیع کھوکھر انتقال کر گئے، وزیراعظم کا اظہار افسوس
محمد نواز شریف اور مریم نواز شریف نے مرحوم عرفان شفیع کھوکھر کے لواحقین سے دلی تعزیت کا اظہار کرتے ہوئے ان کے لیے دعائے مغفرت کی۔
اس موقعے پر دونوں رہنماؤں نے مرحوم کے ایصال ثواب کے لیے فاتحہ خوانی کی اور درجات کی بلندی کے لیے دعا کی۔
بعد ازاں محمد نواز شریف اور وزیراعلیٰ پنجاب مریم نواز شریف نے میاں مرغوب احمد سے ان کی اہلیہ کے انتقال پر بھی تعزیت کی اور لواحقین کے لیے صبرِ جمیل کی دعا کی۔
مزید پڑھیے: مسلم لیگ ن کے قائد نواز شریف نے قومی اسمبلی کے کتنے اجلاسوں میں شرکت کی؟
اس موقعے پر گفتگو کرتے ہوئے محمد نواز شریف نے کہا کہ مرحوم عرفان شفیع کھوکھر پاکستان مسلم لیگ (ن) کا ایک قابلِ قدر اثاثہ تھے جن کی خدمات کو ہمیشہ یاد رکھا جائے گا۔
صدر مسلم لیگ ن محمد نواز شریف صاحب اور وزیر اعلی پنجاب کی عرفان شفیع کھوکھر اور میاں مرغوب احمد کی اہلیہ کی وفات پر تعزیت کیلئے انکی رہائش گاہوں پر آمد pic.twitter.com/uCkDEqzB3e
— Rashid Nasrullah (@RashidNasrulah) December 23, 2025
وزیراعلیٰ مریم نواز شریف نے کہا کہ مرحوم عرفان شفیع کھوکھر کی سیاسی اور سماجی خدمات پارٹی اور عوام کے دلوں میں ہمیشہ زندہ رہیں گی۔
مزید پڑھیے: پنجاب پروٹیکشن آف اونرشپ آف غیر منقولہ قانون کی معطلی پر مریم نواز شریف کا ردعمل
نواز شریف اور مریم نواز شریف نے سوگوار خاندانوں کے ساتھ بھرپور ہمدردی کا اظہار کرتے ہوئے کہا کہ دکھ کی اس گھڑی میں وہ اہلخانہ کے غم میں برابر کے شریک ہیں۔
