لاہور کی نجی یونیورسٹی میں طالبہ کی جانب سے خودکشی کی کوشش کے واقعے کی ابتدائی وجوہات سامنے آ گئی ہیں۔ پولیس کے مطابق یہ واقعہ پسند کی شادی نہ ہونے کے باعث ذہنی دباؤ کا نتیجہ تھا۔
یونیورسٹی آف لاہور میں ایک طالبہ کی تیسری منزل سے چھلانگ لگا کر خودکشی کی کوشش، طالبہ کو فریکچرز آئے۔ خودکشی کی کوشش اسی مقام پر کی گئی جہاں گزشتہ دنوں ایک طالب علم نے خودکشی کی تھی۔!!! pic.twitter.com/JbAPayl4i2
— Nadir Baloch (@BalochNadir5) January 5, 2026
پولیس ذرائع کا کہنا ہے کہ متاثرہ طالبہ اپنے پسند کے شخص سے شادی کرنا چاہتی تھی، تاہم والدین کی جانب سے تعلیم مکمل کرنے پر زور دیا جا رہا تھا، جس پر وہ دلبرداشتہ ہو گئی۔
مزید پڑھیں: لاہور یونیورسٹی میں طلبا کی خودکشیوں کا المناک سلسلہ، آخر معاملہ ہے کیا؟
تحقیقات کے مطابق طالبہ کی آخری فون کال اسی لڑکے کے ساتھ ہوئی تھی، جس کے بعد اس نے اس کا نمبر ڈیلیٹ کردیا تھا۔
یونیورسٹی آف لاہور نے خودکشی کے واقعات کے پیش نظر حفاظتی انتظامات شروع کر دیے pic.twitter.com/0KN6gqKjS7
— Muqadas Farooq Awan (@muqadasawann) January 6, 2026
ذرائع کے مطابق طالبہ فاطمہ اپنے آبائی علاقے نارنگ منڈی کے رہائشی احمد کو پسند کرتی تھی، لیکن اہلِ خانہ اس شادی پر راضی نہیں تھے۔
طالبہ نے دلبرداشتگی کے عالم میں خودکشی کی کوشش کی، تاہم بروقت طبی امداد کے باعث اس کی جان بچ گئی۔ وہ اس وقت لاہور جنرل اسپتال میں زیر علاج ہے اور اس کی حالت بتدریج بہتر بتائی جا رہی ہے۔
مزید پڑھیں: لاہور کی نجی یونیورسٹی میں طالبہ کی خودکشی کی کوشش، کلاسز معطل
پولیس کا کہنا ہے کہ طالبہ کے اہلِخانہ کا بیان ریکارڈ کر لیا گیا ہے جبکہ واقعے کی مزید تفتیش جاری ہے۔
لاہور یونیورسٹی کی طالبہ فاطمہ نے یونیورسٹی میں تیسری منزل سے چھلانگ لگادی ۔ فاطمہ شدید زخمی ہو کر آئی سی یو میں ہے ۔ وجوہات نامعلوم ۔
اسی جامعہ میں چند دن پہلے اویس سلطان نے خودکشی کی تھی۔ pic.twitter.com/flLxSEMOC2— Tariq Mateen (@tariqmateen) January 5, 2026
واضح رہے کہ 23 دسمبر کو بھی یونیورسٹی آف لاہور میں اسی نوعیت کا ایک دل دہلا دینے والا واقعہ پیش آیا تھا جہاں طالب علم محمد اویس نے چوتھی منزل سے چھلانگ لگا کر خودکشی کر لی تھی۔
