نائب وزیراعظم اسحاق ڈار سے بنگلہ دیش کے مشیر برائے خارجہ امور ایم توحید حسین نے ملاقات کی ہے، دو طرفہ تعاون کے مختلف شعبوں پر گفتگو کی گئی۔
یہ بھی پڑھیں: اسحاق ڈار اور توحید حسین کا رابطہ، پاکستان اور بنگلہ دیش کے تعلقات مضبوط بنانے پر اتفاق
دفتر خارجہ کے مطابق نائب وزیراعظم اور وزیر خارجہ سینیٹر اسحاق ڈار نے جدہ میں اسلامی تعاون تنظیم کے وزرائے خارجہ کے غیر معمولی اجلاس کے موقع پر بنگلہ دیش کے مشیر خارجہ ایم توحید حسین سے ملاقات کی۔
Deputy Prime Minister/Foreign Minister, Senator Mohammad Ishaq Dar @MIshaqDar50, met with the Advisor on Foreign Affairs of Bangladesh, Md. Touhid Hossain, on sidelines of the Extraordinary Session of the OIC CFM Meeting in Jeddah.
Both dignitaries expressed satisfaction over… pic.twitter.com/rnXvhBFHNZ
— Ministry of Foreign Affairs – Pakistan (@ForeignOfficePk) January 11, 2026
ملاقات کے دوران دونوں رہنماؤں نے پاکستان اور بنگلہ دیش کے درمیان تعلقات کی مضبوطی پر اطمینان کا اظہار کیا۔
فریقین نے دو طرفہ تعاون کے مختلف شعبوں پر تفصیلی گفتگو کی، جس میں اعلیٰ سطحی روابط، تجارت اور تعلیمی تعاون کو خصوصی اہمیت حاصل رہی۔
یہ بھی پڑھیں: نائب وزیراعظم و وزیرخارجہ اسحاق ڈار سعودی عرب سے گیمبیا جائیں گے
اس موقع پر علاقائی اور عالمی امور پر بھی تبادلہ خیال کیا گیا اور باہمی دلچسپی کے معاملات پر قریبی رابطے جاری رکھنے پر اتفاق کیا گیا۔
ملاقات میں اس عزم کا اعادہ کیا گیا کہ دونوں ممالک باہمی تعلقات کو مزید فروغ دینے کے لیے عملی اقدامات جاری رکھیں گے۔
