خیبرپختونخوا کے بالائی علاقوں میں جاری شدید برفباری کے باعث متعدد سڑکیں جزوی طور پر بند ہو گئی ہیں۔ محکمہ سیاحت کے ترجمان سعد بن اویس نے بتایا کہ برف ہٹانے کے اقدامات جاری ہیں اور سیاحوں کو احتیاطی تدابیر اختیار کرنے کی ہدایت کی گئی ہے۔
مزید پڑھیں:شدید برف باری اور تیز ہواؤں کے باعث ایمسٹرڈیم ایئرپورٹ پر 700 سے زائد پروازیں منسوخ
گلیات روڈ جزوی طور پر بند ہے۔ سوات میں صرف 4×4 گاڑیوں کے لیے راستے کھلے ہیں، جن گاڑیوں میں چین (زنجیریں) ہوں گی انہیں جانے کی اجازت ہے۔ کاغان میں پارس تک سڑکیں کھلی ہیں جبکہ چترال میں رابطہ سڑکیں کھلی ہیں۔
مزید پڑھیں: بلوچستان کے بالائی علاقوں میں شدید برفباری، اہم قومی شاہراہیں بند
ترجمان کے مطابق، بالائی علاقوں میں برف کی مقدار زیادہ ہے، اس لیے سیاحوں سے گزارش ہے کہ اپنے سفر میں احتیاط برتیں اور محکمہ سیاحت کی ہدایات پر عمل کریں۔ سیاحتی مقامات تک پہنچنے والے راستوں کو جلدی کھولنے کے لیے متعلقہ محکمے کی ٹیمیں کام کر رہی ہیں۔
