ملک بھر میں سونے کی قیمتوں میں نمایاں کمی ریکارڈ کی گئی ہے، جبکہ عالمی مارکیٹ میں بھی قیمتی دھات کی قدر گھٹ گئی ہے۔ مقامی مارکیٹ میں فی تولہ سونا 25 ہزار 500 روپے سستا ہو گیا، جس کے بعد فی تولہ سونے کی قیمت کم ہو کر 5 لاکھ 11 ہزار 862 روپے کی سطح پر آ گئی ہے۔
اسی طرح 10 گرام سونے کی قیمت میں 21 ہزار 862 روپے کی کمی دیکھی گئی، جس کے بعد 10 گرام سونا چار لاکھ 38 ہزار 839 روپے میں فروخت ہو رہا ہے۔
یہ بھی پڑھیے: ریکارڈ اضافے کے بعد سونے کی قیمتوں میں بڑی کمی، فی تولہ کتنا سستا ہوا؟
دوسری جانب عالمی مارکیٹ میں بھی سونے کی قیمت میں نمایاں کمی ریکارڈ کی گئی ہے۔ بین الاقوامی سطح پر فی اونس سونا 255 ڈالر سستا ہو کر 4 ہزار 895 ڈالر فی اونس کی سطح پر آ گیا ہے۔ ماہرین کے مطابق عالمی مالیاتی صورتحال، ڈالر کی قدر اور سرمایہ کاروں کے رجحانات میں تبدیلی کے باعث سونے کی قیمتوں میں اتار چڑھاؤ دیکھا جا رہا ہے۔
ادھر چاندی کی قیمت میں بھی کمی ریکارڈ کی گئی ہے۔ ملک میں فی تولہ چاندی کی قیمت میں 2 ہزار 63 روپے کی کمی ہوئی ہے، جس کے بعد فی تولہ چاندی 9 ہزار 6 روپے کی سطح پر آ گئی ہے۔
