سیالکوٹ اسٹیلینز نے منگل کے روز سابق آسٹریلوی کپتان اسٹیو اسمتھ کو پاکستان سپر لیگ کے 11ویں ایڈیشن کے لیے سائن کرلیا ہے۔
پاکستان سپر لیگ یعنی پی ایس ایل کی اس نئی فرنچائز نے اپنے آفیشل سوشل میڈیا چینلز کے ذریعے تصدیق کی ہے کہ 26 مارچ سے 3 مئی تک منعقد ہونیوالے پی ایس ایل کی پہلی اور سب سے بڑی ڈائریکٹ سائننگ ہے۔
یہ بھی پڑھیں: سابق آسٹریلوی کپتان ٹم پین پی ایس ایل فرنچائز سیالکوٹ اسٹالینز کے ہیڈ کوچ مقرر
اسٹیلینز نے رائٹ ہینڈڈ بیٹر اسٹیو اسمتھ کو ڈائریکٹ سائننگ کے ذریعے حاصل کیا، کیونکہ ہر فرنچائز کو نئے ماڈل کے تحت ایک ڈائریکٹ سائننگ کی اجازت ہے۔
رائٹ ہینڈڈ بیٹر اسٹیو اسمتھ بیگ بش لیگ، دی ہنڈرڈ، انڈین پریمیئر لیگ، بنگلہ دیش پریمیئر لیگ اور کیریبین پریمیئر لیگ سمیت مختلف ٹاپ لیگوں میں کھیل چکے ہیں۔
ڈومیسٹک اور فرنچائز ٹی 20 کرکٹ میں اسمتھ نے 272 میچز کھیل کر 6,242 رنز بنائے ہیں، اور ان کی اسٹرائیک ریٹ 131.38 ہے۔
𝐎𝐧𝐞 𝐨𝐟 𝐭𝐡𝐞 𝐁𝐢𝐠𝐠𝐞𝐬𝐭 𝐒𝐢𝐠𝐧𝐢𝐧𝐠 𝐢𝐧 𝐏𝐒𝐋 𝐇𝐢𝐬𝐭𝐨𝐫𝐲: A game changer, powerhouse player, we welcome 𝐒𝐭𝐞𝐯𝐞 𝐒𝐦𝐢𝐭𝐡 on board as a Stallion! 🐎
SS x SS – Lets goooooo🔥#SialkotStaliionz #HBLPSL #NewEra pic.twitter.com/OmMNJXBxVA
— Sialkot Stallionz (@PSLStallionz) February 3, 2026
ان کے ریکارڈ میں 30 نصف سنچریاں اور 5 سینچریاں شامل ہیں۔
حال ہی میں، انہوں نے بگ بیش 15 میں سڈنی سکسرز کی نمائندگی کرتے ہوئے 6 میچز میں 299 رنز بنائے، جن میں ایک سینچری اور 2 نصف سینچریاں شامل تھیں۔
انہوں نے اپنی ٹیم کو فائنل تک پہنچانے میں بھی قابل ذکر مدد کی۔
مزید پڑھیں: لاہور قلندر کو بڑا جھٹکا، اہم غیر ملکی کھلاڑی نے پی ایس ایل 11 کھیلنے سے معذرت کرلی
اس سے پہلے، 29 جنوری کو سیالکوٹ اسٹیلینز نے سابق آسٹریلوی وکٹ کیپر بیٹراور کپتان ٹم پین کو اپنا ہیڈ کوچ مقرر کیا تھا۔
ٹم پین وسیع تجربے کے حامل ہیں، جنہوں نے آسٹریلیا کی نمائندگی 35 ٹیسٹ اور 35 ون ڈے میچز میں کی ہے، اور طویل فارمیٹ میں قومی ٹیم کی قیادت بھی کی ہے۔
سیالکوٹ اسٹیلینز او زیڈ ڈیولپرز کی ملکیت ہے، جس کی قیادت حمزہ مجید کر رہے ہیں، جنہوں نے 8 جنوری کو جناح کنونشن سینٹر میں ہونے والی ہائی پروفائل نیلامی میں یہ ٹیم حاصل کی۔
مزید پڑھیں: پی ایس ایل 11: سلمان آغا اور ابرار احمد سمیت 5 کرکٹرز کی پلاٹینم کیٹیگری میں ترقی
ایف کے ایس گروپ نے پہلی نئی فرنچائز 1.75 ارب روپے کی پیشکش کے ساتھ حاصل کی، جبکہ او زیڈ ڈیولپرز نے سیالکوٹ ٹیم کے لیے 1.85 ارب روپے کی بولی جیت کر اسے تاریخی شہر سیالکوٹ کے نام سے منسوب کیا۔
یہ توسیع پی ایس ایل کی تاریخ میں دوسری بڑی اضافے کو ظاہر کرتی ہے۔ ملتان سلطانز پہلی نئی ٹیم تھی، جو لیگ کے تیسرے سیزن میں شامل ہوئیں اور ٹیموں کی تعداد 5 سے 6 تک بڑھا دی۔
مزید پڑھیں: پی ایس ایل 11 کے لیے کھلاڑیوں کی نیلامی کی تاریخ کا اعلان ہوگیا، بیس پرائس بھی طے
پی ایس ایل 11 کے ساتھ، 2 اضافی فرنچائز متعارف کروائی گئی ہیں، جس سے ٹیموں کی کل تعداد 8 ہو گئی ہے۔
واضح رہے کہ پی ایس ایل 11 کے لیے انتہائی متوقع پلیئرز کی نیلامی 11 فروری کو ہونے والی ہے۔
