ایران کے وزیر خارجہ عباس عراقچی امریکی حکام کے ساتھ جوہری مذاکرات میں شرکت کے لیے ایک اعلیٰ سطحی سفارتی وفد کی قیادت کرتے ہوئے عمان کے دارالحکومت مسقط پہنچ گئے ہیں۔
یہ بھی پڑھیں: ایران امریکا کشیدگی، برطانیہ کا قطر میں ٹائفون جنگی طیارے تعینات کرنے کا فیصلہ
مذاکرات آج بروز جمعہ منعقد ہوں گے، جس کی تصدیق ایرانی وزارتِ خارجہ کے ترجمان نے کی ہے۔
Iran's foreign minister heads to Muscat for nuclear talks with US – https://t.co/AazsFhm9Jl https://t.co/UJIbjddMTt #Iran #NuclearTalks #ForeignMinister #AbbasAraqchi #Muscat pic.twitter.com/vTIsqoxIFD
— Iranian Diaspora Cooperation & Development Council (@Irandiasporaa) February 6, 2026
امریکی اور ایرانی حکام کے مطابق دونوں ممالک نے جمعہ کو عمان میں مذاکرات پر اتفاق کیا ہے، تاہم دونوں فریقین کے مؤقف میں واضح اختلافات برقرار ہیں۔
واشنگٹن کا اصرار ہے کہ مذاکرات میں ایران کے میزائل پروگرام کو بھی شامل کیا جائے، جبکہ ایران نے واضح کیا ہے کہ وہ صرف اپنے جوہری پروگرام پر ہی بات چیت کرے گا۔
مزید پڑھیں: ایران امریکا کشیدگی: پاکستان کا مکالمے اور سفارت کاری پر زور، وزیراعظم کا صدر مسعود پزشکیان سے رابطہ
ایرانی وزارتِ خارجہ کے ترجمان اسماعیل بقائی کے مطابق ایران ان مذاکرات میں مکمل اختیار کے ساتھ شریک ہوگا اور مقصد جوہری مسئلے پر ایک منصفانہ، باہمی طور پر قابلِ قبول اور باوقار مفاہمت تک پہنچنا ہے۔
انہوں نے مزید کہا کہ ایران کو امید ہے کہ امریکی فریق بھی اس عمل میں ذمہ داری، حقیقت پسندی اور سنجیدگی کا مظاہرہ کرے گا۔
