ٹی20 ورلڈ کپ کے گروپ مرحلے کے چھٹے میچ میں سری لنکا نے آئر لینڈ کو 20 رنز سے شکست دے دی۔
کولمبو کے آر پریماداسا انٹرنیشنل اسٹیڈیم میں کھیلے گئے ٹی20 ورلڈ کپ 2026 کے میچ میں آئر لینڈ نے ٹاس جیت کر پہلے فیلڈنگ کا فیصلہ کیا۔
Spinners control proceedings as Sri Lanka seal their #T20WorldCup opener in Colombo 🌀
📝: https://t.co/yVCWv4zFGf pic.twitter.com/EHrhuEskCw
— ICC (@ICC) February 8, 2026
سری لنکا کی ٹیم نے 20 اوورز میں 6 وکٹوں کے نقصان پر 163 رنز اسکور کیے اور آئرلینڈ کے لیے 164 رنز کا ہدف مقرر کیا۔
اس دوران کوشل نے 56 اور کمیندو نے 44 رنز بنا کر ٹیم کے لیے اہم اننگز کھیلیں۔ آئرلینڈ کی جانب سے جارج اور باری نے 2، 2 جبکہ مارک اور گریتھ نے ایک ایک وکٹ حاصل کی۔
ہدف کے تعاقب میں آئرلینڈ کی ٹیم 19.5 اوورز میں 143 رنز پر ڈھیر ہو گئی۔
اس دوران ہیری ٹکٹر 40 اور روز اڈائر 34 رنز کے ساتھ نمایاں رہے، جبکہ سری لنکا کے مہیش اور ونیندو نے 3، 3 اور متھیشا نے 2 وکٹیں حاصل کر کے ٹیم کی فتح میں اہم کردار ادا کیا۔
