صدرِ مملکت آصف زرداری نے وزیرِ اعظم کی ایڈوائس پر اٹارنی جنرل آفس کے لا افسران کی سروس شرائط میں ترمیم کی منظوری دے دی ہے۔
اس ترمیم کے تحت طویل عرصے تک خدمات انجام دینے والے ایڈیشنل اٹارنی جنرلز کے لیے خصوصی الاؤنس متعارف کرایا گیا ہے۔
یہ بھی پڑھیں: منصور عثمان اعوان کو اٹارنی جنرل آف پاکستان تعینات کردیا گیا
ایوانِ صدر کے مطابق یہ ترمیم منظور شدہ سمری کے مطابق نافذ العمل ہوگی۔
ایوانِ صدر سے جاری اعلامیے کے مطابق صدر مملکت نے ایڈیشنل، ڈپٹی اور اسسٹنٹ اٹارنی جنرلز کی تقرری و سروس کی شرائط میں ترمیم کی سمری پر دستخط کر دیے ہیں۔
’نئی ترمیم کے تحت وہ ایڈیشنل اٹارنی جنرلز جو اسسٹنٹ اٹارنی جنرل کے طور پر 10 سال سے زائد عرصہ خدمات انجام دے چکے، انہیں اسپیشل ایڈیشنل اے جی الاؤنس دیا جائے گا۔
مزید پڑھیں: ڈیم فنڈ کی رقم وفاق کو دینے کا معاملہ، آڈیٹر جنرل و دیگر فریقین طلب
ترمیم کا مقصد لا افسران کے کیڈر میں طویل اور مسلسل خدمات کو تسلیم کرنا ہے۔
’۔۔۔اور اسسٹنٹ اٹارنی جنرل کے عہدے پر ایک دہائی سے زائد عرصہ مکمل کرنے کے بعد ترقی پانے والے افسران کو منظم مالی مراعات فراہم کرنا ہے۔‘
