کوئٹہ کے علاقے درخشاں میں محکمہ انسداد دہشتگردی یعنی سی ٹی ڈی نے ایک کارروائی کے دوران فائرنگ کے تبادلے میں 8 مبینہ دہشتگردوں کو ہلاک کرنے کا دعویٰ کیا ہے۔
ترجمان سی ٹی ڈی کے مطابق کارروائی خفیہ اطلاع پر کی گئی، جہاں مشتبہ افراد کی موجودگی کی اطلاع تھی۔
یہ بھی پڑھیں: کوئٹہ: سی ٹی ڈی کی کارروائی میں 2 دہشتگرد ہلاک، دھماکا خیز مواد برآمد
آپریشن کے دوران دہشت گردوں نے فائرنگ کی جس پر جوابی کارروائی کی گئی۔ شدید فائرنگ کے تبادلے کے نتیجے میں 8 مبینہ دہشتگرد ہلاک ہوگئے۔
ترجمان کے مطابق مقابلے کے دوران سی ٹی ڈی کے 3 اہلکار بھی زخمی ہوئے جنہیں فوری طور پر طبی امداد کے لیے قریبی اسپتال منتقل کردیا گیا۔
سی ٹی ڈی حکام کا کہنا ہے کہ ہلاک افراد کے قبضے سے بھاری مقدار میں اسلحہ اور گولہ بارود برآمد ہوا ہے۔
مزید پڑھیں: کوئٹہ: سی ٹی ڈی کی کارروائی میں کالعدم تنظیم کا اہم رکن مارا گیا
ابتدائی تحقیقات کے مطابق ہلاک ہونے والے افراد کا تعلق ایک کالعدم تنظیم سے بتایا جارہا ہے۔
حکام کے مطابق علاقے کو گھیرے میں لے کر مزید تفتیش جاری ہے جبکہ واقعے سے متعلق شواہد اکٹھے کیے جا رہے ہیں۔
