جاپان کے چیکاوا چڑیا گھر میں موجود ایک ننھے بندر کی ویڈیو وائرل ہوگئی ہے جس میں اسے اپنی اصل ماں کے متبادل کے طور پر کھلونے کو اپنی ‘ماں’ بناکر ساتھ رکھے دیکھا جاسکتا ہے۔
جاپانی میڈیا کے مطابق یہ پنچ نامی ایک ننھا سا بندر ہے جو اپنے خاندان کے ساتھ سکونت پذیر تھا تاہم اچانک اس کی ماں نے اسے اپنے ساتھ رکھنا بند کر دیا۔
یہ بھی پڑھیے: سائنس دانوں کے ساتھ ’چائے پارٹی‘، بنوبو بندر میں پہلی مرتبہ انسانوں جیسے تخیل کی صلاحیت کا انکشاف
جولائی 2025 میں پیدائش کے کچھ عرصے بعد اپنی ماں کی جانب سے مسترد کیے جانے کے بعد، 7 ماہ کا یہ چھوٹا جاپانی مکاک بندر سکون کے لیے بندر کے ایک کھلونے کو گلے لگا لیا جسے چڑیا گھر کی ٹیم نے اسے دیا تھا، اس کھلونے کو محبت سے اورا ماما کہا جاتا ہے۔
اس بندر نے اس کھلونے سے دوستی کرلی ہے اور اسے ہر جگہ اپنے ساتھ لیے پھر رہا ہے۔ یوں اپنی حقیقی ماں سے بچھڑ جانے کے بعد بندر کے اس بچے نے کھلونے میں مامتا کا سکون تلاش کر لیا ہے اور اس نے باقی دنیا کو چھوڑ کر اس کو ہی اپنا سب کچھ سمجھ لیا۔
View this post on Instagram
مکاک بندر کی ویڈیوز نے سوشل میڈیا سے پر غیر معمولی شہرت حاصل کر لی۔ یہ مناظر نہ صرف دیکھنے والوں کے دلوں کو چھو رہے ہیں بلکہ ننھے بندر کی ہمت اور معصومیت کی علامت بھی بن گئی ہیں۔
اس کی یہ تصویر، جس میں وہ اپنے کھلونے سے لپٹا ہوا ہے، مضبوطی، صبر اور محبت کی ضرورت کی علامت بن گئی۔ پنچ نے اپنے لیے سکون اور محبت کا ایک چھوٹا سا ذریعہ ڈھونڈ لیا۔
