ملک بھر میں 24 گھنٹوں کے دوران کورونا وائرس کے 13 نئے کیسز رپورٹ ہوئے جن میں سے 7 مریضوں کی حالت تشویشناک بتائی جا رہی ہے۔
قومی ادارہ صحت (این آئی ایچ) کے جاری اعدادوشمار کے مطابق ملک بھر میں گزشتہ 24 گھنٹوں کے دوران کورونا وائرس کے 2 ہزار153 ٹیسٹ کیے گئے جن میں سے 13 افراد کے ٹیسٹ مثبت آئے ہیں۔
این آئی ایچ کے مطابق ملک بھر میں مثبت کیسز کی شرح 0.60 فیصد پر پہنچ گئی ہے، تاحال کوئی مریض جاں بحق نہیں ہوا ہے، تاہم 7 مریضوں کی حالت تشویشناک بتائی جا رہی ہے۔
مزید پڑھیں
اسلام آباد میں گزشتہ 24 گھنٹوں کے دوران 374 ٹیسٹ کیے گئے جن میں سے ایک ٹیسٹ مثبت آیا۔ اسلام آباد میں مثبت کیسز کی شرح 0.27 فیصد رہی۔
گلگت بلتستان میں گزشتہ 24 گھنٹوں کے دوران 188 ٹیسٹ کیے گئے جن میں سے 2 ٹیسٹ مثبت آئے، اس طرح گلگت بلتستان میں مثبت کیسز کی شرح 1.06 فیصد رہی۔
