وزیر خارجہ اسحاق ڈار سعودی عرب کے 2 روزہ دورے پر جدہ پہنچ گئے ہیں، جہاں وہ اسلامی تعاون تنظیم کے غیرمعمولی اجلاس میں شرکت کریں گے۔
ترجمان دفترِ خارجہ کے مطابق نائب وزیراعظم و وزیر خارجہ سینیٹر اسحاق ڈار کی جدہ آمد پر اسلامی تعاون تنظیم میں پاکستان کے مستقل نمائندے سفیر فواد شیر، سعودی عرب میں پاکستانی سفیر احمد فاروق اور قونصل جنرل سید مصطفی ربانی نے کنگ عبدالعزیز انٹرنیشنل ایئرپورٹ پر ان کا استقبال کیا۔
یہ بھی پڑھیں: پاکستان عالمی تبدیلیوں کے مطابق اپنی خارجہ پالیسی ڈھال چکا ہے، اسحاق ڈار
اسلامی تعاون تنظیم کی ایگزیکٹو کمیٹی کے غیرمعمولی اوپن اینڈڈ وزارتی اجلاس میں رکن ممالک کو درپیش تازہ علاقائی اور عالمی چیلنجز پر غور کیا جائے گا۔
Deputy Prime Minister/Foreign Minister Senator Mohammad Ishaq Dar @MIshaqDar50 has arrived in Saudi Arabia on a two-day visit to participate in the Extraordinary Open-Ended Ministerial Meeting of the OIC Executive Committee.
He was received at King Abdulaziz International… pic.twitter.com/oglzdCTM5v
— Ministry of Foreign Affairs – Pakistan (@ForeignOfficePk) February 26, 2026
اس ضمن میں پاکستان کی جانب سے اہم امور پر مؤقف پیش کیے جانے کا امکان ہے۔
مزید پڑھیں: اسحاق ڈار کی زیر صدارت او آئی سی وزارتی کانفرنس برائے خواتین کی تیاریوں کا جائزہ اجلاس
دفتر خارجہ کے مطابق نائب وزیراعظم اس موقع پر مختلف رکن ممالک کے وزرائے خارجہ سے ملاقاتیں بھی کریں گے، جن میں باہمی تعاون، امتِ مسلمہ کو درپیش مسائل اور علاقائی صورتحال پر تبادلہ خیال متوقع ہے۔
اسحاق ڈار کا یہ دورہ مسلم دنیا کے اہم سفارتی فورم پر پاکستان کی مؤثر نمائندگی کے تناظر میں اہمیت کا حامل قرار دیا جا رہا ہے۔
