پاکستان تحریک انصاف (پی ٹی آئی) کے سابق رہنما جہانگیر ترین اپنی نئی سیاسی جماعت کی تشکیل کے لیے قانونی مشاورت میں ہنوز مصروف ہیں۔
اس غرض سے جہانگیر ترین نے اسلام آباد میں اپنے قانونی مشیروں سے بھی مشاورت کی ہے اور انہوں نے الیکشن کمیشن میں پارٹی کی رجسٹریشن سے متعلق لیگل ٹیم کو ہدایات جاری کردی ہیں۔
جہانگیر ترین نے اپنی نااہلی سے متعلق ممکنہ پٹیشن پر بھی لیگل ٹیم سےمشاورت کی ہے۔
ذرائع کا کہنا ہے کہ جہانگیر ترین جمعرات کو اسلام آباد سے لاہور پہنچیں گے اور اہم ترین شخصیات سے ملاقاتیں کریں گے۔
واضح رہے کہ جہانگیرترین نے 2 روزکے دوران 20 کے قریب سیاسی رہنماؤں سے بھی ملاقاتیں کی ہیں۔
