پاکستان کے وزیر دفاع خواجہ آصف نے مشرقِ وسطیٰ اور ایران میں جاری کشیدہ صورتحال کے پیش نظر عالمی معیشت پر پڑنے والے اثرات اور حکومت کی حالیہ پٹرول و ڈیزل قیمتوں کے فیصلے پر روشنی ڈالی ہے۔
مشرقِ وسطیٰ اور ایران کی کشیدہ صورتحال نے عالمی معیشت کو ہلا کر رکھ دیا ہے۔ آبنائے ہرمز کی بندش کے باعث چند دنوں میں پٹرولیم مصنوعات کی قیمتوں آسمان پر ہیں۔ ایسے عالمی بحران میں حکومت کا فی لیٹر پٹرول و ڈیزل کی قیمت میں محدود اضافہ کرنا، بہت محنت کا کام ہے۔ اس کے لیے پیشگی منصوبہ…
— Khawaja M. Asif (@KhawajaMAsif) March 7, 2026
خواجہ آصف نے ٹوئٹ میں کہا کہ آبنائے ہرمز کی بندش اور خطے میں جاری بحران کے باعث چند دنوں میں عالمی سطح پر پٹرولیم مصنوعات کی قیمتیں بلند ہو چکی ہیں۔
انہوں نے کہا کہ اس عالمی بحران میں حکومت کی جانب سے فی لیٹر پٹرول و ڈیزل کی قیمت میں محدود اضافہ کرنا انتہائی محنت کا کام تھا، جس کے لیے پیشگی منصوبہ بندی، روابط اور انتظامات کی ایک لمبی داستان شامل ہے۔ ان کے مطابق، اگر یہ تمام اقدامات نہ کیے جاتے تو آج پٹرول کی قیمت 375 روپے فی لیٹر تک پہنچ چکی ہوتی۔
یہ بھی پڑھیں:پاکستان کے دفاعی نظام ناقابل تسخیرہیں، وزیر دفاع خواجہ آصف
خواجہ آصف نے اپنے پیغام میں دعاؤں کا بھی ذکر کیا اور کہا کہ اللہ تعالیٰ اسرائیل کے جنگی جنون سے دنیا کو محفوظ فرمائے، امت مسلمہ کو اتحاد عطا کرے، دوست اور دشمن میں تمیز کی توفیق دے، اور سب کو اپنا قبلہ درست کرنے کی ہمت عطا فرمائے۔
