مسلسل بارشوں کے نتیجے میں اپر اور لوئر کوہستان کے مختلف علاقوں میں لینڈ سلائیڈنگ کے سبب قراقرم ہائی وے کئی مقامات پر بند ہو گئی ہے۔
گلگت بلتستان پولیس کے مطابق ایف ڈبلیو او کی ٹیمیں موسم صاف ہونے کے بعد ساتھ ملبہ ہٹانے کا کام شروع کریں گی۔
یہ بھی پڑھیے: قراقرم ہائی وے کی بندش سے کون سی مشکلات اور مسائل جنم لے رہے ہیں؟
پولیس نے عوام، خاص طور پر بس اور ٹیکسی اسٹینڈز، ٹرانسپورٹ ایسوسی ایشنز اور مسافروں سے اپیل کی ہے کہ گلگت بلتستان سے خیبرپختونخوا کی جانب اپنا سفر فی الحال مؤخر کریں، کیونکہ اپر اور لوئر کوہستان میں پھنسنے والے مسافروں کے لیے فوری ریلیف فراہم کرنا مشکل ہوگا۔
پولیس نے شہریوں سے کہا ہے کہ غیر ضروری سفر سے گریز کریں اور تازہ صورتحال کے لیے گلگت بلتستان پولیس کی ہدایات پر عمل کریں۔
