پنجاب حکومت نے کلائمنٹ لیڈر شپ ڈویلپمنٹ انٹرن شپ پروگرام کے آغاز کا اعلان کردیا ہے۔
وزیراعلیٰ پنجاب مریم نواز شریف نے اپنے فیس بک پیغام میں کہا ہے کہ اس پروگرام کا مقصد نوجوانوں کو ماحولیاتی تحفظ کے مشن میں شامل کرنا اور انہیں عملی تجربہ فراہم کرنا ہے۔
یہ بھی پڑھیں: پاکستان کا پہلا اے آئی ایبلڈ گورنمنٹ منصوبہ: پنجاب نے روڈ میپ تیار کر لیا
وزیراعلیٰ کے مطابق پروگرام کے تحت منتخب ہونے والے انٹرنز کو ماہانہ 60 ہزار روپے وظیفہ دیا جائے گا، جبکہ 3 ماہ کی تکمیل پر حکومت پنجاب کی جانب سے انٹرن شپ سرٹیفکیٹ بھی فراہم کیا جائے گا۔
Chief Minister Punjab Climate Leadership Development Internship Program – Batch 1
60,000 monthly stipend
Apply online: https://t.co/FEx80VRdzx
📞 Helpline: 1373
📅 Last date to apply: 29 March 2026 pic.twitter.com/aoU5Jrt0yh
— PMLN (@pmln_org) March 14, 2026
انہوں نے بتایا کہ اس پروگرام میں طالبات کے لیے 50 فیصد نشستیں مخصوص رکھی گئی ہیں تاکہ خواتین کی شمولیت کو فروغ دیا جا سکے۔
مریم نواز شریف کا کہنا تھا کہ پروگرام میں خودکار میرٹ سسٹم کے ذریعے امیدواروں کو اپنے متعلقہ ضلع کی نمائندگی کا موقع ملے گا۔
مزید پڑھیں: پنجاب کے تعلیمی ادارے 31 مارچ تک بند، صوبائی وزرا و افسران کو سرکاری فیول نہیں ملے گا
اس کے ساتھ ساتھ شرکا کو یونیسکو سرٹیفکیشن کے حصول کے امکانات بھی میسر ہوں گے اور انہیں جدید لرننگ مینجمنٹ سسٹم سے آگاہی کا موقع دیا جائے گا۔
انہوں نے مزید کہا کہ کلائمنٹ لیڈر شپ انٹرنیز کو انوائرمنٹ پروٹیکشن اتھارٹی کے افسران اور ماحولیاتی پالیسی یونٹ کے ساتھ کام کرنے کا عملی تجربہ بھی حاصل ہوگا۔
مزید پڑھیں: پنجاب میں ای ٹیکسی اسکیم کا آغاز ،قیمت کیا ہوگی ؟
وزیراعلیٰ کے مطابق پروگرام کے لیے درخواستیں آن لائن جمع کرائی جا سکتی ہیں اور نوجوان 29 مارچ تک ویب سائٹ epd.punjab.gov.pk/climateinternship کے ذریعے اپلائی کر سکتے ہیں۔
اپنے پیغام میں مریم نواز شریف نے کہا کہ ماحولیاتی بہتری کے مشن میں نوجوانوں کی شمولیت کا خیر مقدم کیا جائے گا اور ہر نوجوان اس پروگرام کے ذریعے ماحول کے تحفظ میں بھرپور کردار ادا کر سکتا ہے۔
