عالمی سطح پر جیٹ فیول کی قیمتوں میں تیزی سے اضافے کے باعث پاکستان انٹرنیشنل ایئرلائن (پی آئی اے) نے اندرونِ ملک اور بین الاقوامی پروازوں کے کرایوں میں اضافہ کر دیا ہے۔
یہ بھی پڑھیں:اسلام آباد ایئرپورٹ پر 17 مارچ کو فلائٹس آپریشنز 2 گھنٹے معطل رہے گا، نوٹم جاری
پی آئی اے کے مطابق جیٹ فیول کی قیمتیں حالیہ دنوں میں تقریباً 85 سے 90 ڈالر فی بیرل سے بڑھ کر 150 سے 200 ڈالر فی بیرل تک پہنچ گئی ہیں، جس کے بعد ایئرلائن کو کرایوں میں اضافہ کرنا پڑا۔
ایئرلائن نے بتایا کہ اندرونِ ملک پروازوں کے کرایوں میں تقریباً 20 ڈالر جبکہ بین الاقوامی پروازوں کے کرایوں میں 100 ڈالر تک اضافہ کیا گیا ہے۔
ادھر دنیا کی کئی بڑی ایئرلائنز نے بھی ایندھن کی بڑھتی قیمتوں کے باعث ٹکٹ مہنگے کرنے یا مالیاتی اندازوں پر نظرثانی کا اعلان کیا ہے۔
