سنتھ جے سوریا کی رمضان میں روزہ رکھنے کی روایت نے مداحوں کے دل جیت لیے

سری لنکا کے سابق اسٹار کرکٹر سنتھ جے سوریا کی ایک منفرد روایت سامنے آئی ہے، جس کے تحت وہ بچپن سے رمضان المبارک میں روزہ رکھتے آ رہے ہیں، حالانکہ ان کا تعلق بدھ مذہب سے ہے۔

جے سوریا نے بتایا کہ وہ اسکول کے زمانے سے رمضان کے دوران ایک دن روزہ رکھتے ہیں تاکہ اپنے مسلم دوستوں کے ساتھ اس مقدس مہینے کی روح کو محسوس کر سکیں۔

انہوں نے اس روایت کو اپنے کرکٹ کیریئر کے دوران بھی جاری رکھا اور آج تک اس پر عمل کر رہے ہیں۔

روزہ افطار کی ویڈیوز وائرل

حال ہی میں سوشل میڈیا پر ان کی دوستوں کے ساتھ افطار کی ویڈیوز وائرل ہوئیں۔ اس موقع پر انہوں نے لکھا کہ وہ ہر سال کی طرح اس بار بھی رمضان میں روزہ رکھ رہے ہیں اور یہ روایت بدستور جاری ہے۔

🌙🤲 Heartwarming moment.

Sri Lankan legend Sanath Jayasuriya breaking his fast (Iftar) with his dear Muslim friends & their families, a beautiful tradition he’s cherished since childhood.
In unity & respect, true friendship shines brightest. 🇱🇰❤️
Ramadan Mubarak to all.… pic.twitter.com/rqspRYKOQp

— Nibraz Ramzan (@nibraz88cricket) March 18, 2026

مداحوں کی جانب سے بھرپور داد

مداحوں نے جے سوریا کے اس عمل کو خوب سراہا۔ ایک صارف نے لکھا کہ کھیل ہمیشہ لوگوں کو قریب لاتا ہے اور جے سوریا اس کی بہترین مثال ہیں۔

دیگر صارفین نے انہیں نہ صرف عظیم کرکٹر بلکہ ایک بہترین انسان بھی قرار دیا۔

کوچنگ سے استعفیٰ، نئی تقرری کا اعلان

سنتھ جے سوریا نے حال ہی میں سری لنکا ٹیم کے ہیڈ کوچ کے عہدے سے استعفیٰ دے دیا۔ یہ فیصلہ آئی سی سی ٹی20 ورلڈ کپ 2026 میں پاکستان کے خلاف قریبی شکست کے بعد سامنے آیا۔

فیصلے کی وجہ بھی بتا دی

جے سوریا کا کہنا تھا کہ وہ پہلے ہی اس فیصلے پر غور کر رہے تھے اور انگلینڈ کے خلاف سیریز کے دوران بھی عندیہ دے چکے تھے کہ وہ طویل عرصے تک کوچنگ جاری نہیں رکھیں گے۔

انہوں نے کہا کہ وہ ٹیم کو اچھے انداز میں چھوڑنا چاہتے تھے، تاہم ایسا نہ ہو سکا جس پر انہیں افسوس ہے۔