حریت رہنما یاسین ملک کی اہلیہ مشعال حسین ملک نے عیدالفطر کے موقع پر تمام مسلم امہ کو دلی مبارکباد پیش کی ہے۔ انہوں نے کہا کہ عیدالفطر رمضان المبارک میں کی جانے والی عبادات کا تحفہ ہے اور اس موقع پر مظلوموں کو یاد رکھنا ہماری ذمہ داری ہے۔
حریت رہنما یاسین ملک کی اہلیہ مشعال حسین ملک کاعید الفطر کے موقع پر پیغام
تمام مسلم امہ کو تہہ دل سے عید الفطر کی مبارکباد پیش کرتی ہوں۔مشعال ملک
عید الفطر کے موقع پر تمام مظلوموں کو یاد رکھنے کی ضرورت ہے جو غلامی سے لڑتے ہوئے شہید ہو رہے ہیں۔مشعال ملک @asifbashirch #eidMubarik pic.twitter.com/RZJXdMKKuF— Media Talk (@mediatalk922) March 21, 2026
مشعال ملک نے یاد دلایا کہ ان کے شوہر یاسین ملک 12 برس سے بھارتی قید میں ہیں، اور لاکھوں کشمیری خاندان آج بھی اپنے پیاروں سے جدا ہیں۔ انہوں نے کہا کہ مقبوضہ کشمیر کی مسجدیں تالوں
میں ہیں اور مسجد اقصیٰ پر ویرانی طاری ہے، یہاں تک کہ سجدہ کرنے پر بھی پابندی عائد ہے۔
مزید پڑھیں:عیدالفطر: پاک فوج کی قیادت کی قوم کو مبارکباد، قربانی اور خدمت کے جذبے کا پیغام
انہوں نے عید کے بعد امتِ مسلمہ سے اپیل کی کہ وہ ایک متحد امت کے طور پر دنیا کے سامنے کھڑی ہو، اور انسانیت، حق، سچ اور امن کے لیے ایک ساتھ آواز بلند کرے۔
