وزیر مملکت برائے مذہبی امور و بین المذاہب ہم آھنگی کھیئل داس کوھستانی نے پاکستان اور دنیا بھر میں بسنے والے مسلمانوں کو عیدالفطر کی خوشیوں بھری مبارکباد دی۔
مزید پڑھیں:عید کی نماز سے پہلے کی روایات، سعودی معاشرے کی ثقافتی اور مذہبی زندگی کا اہم حصہ
وزیر مملکت نے کہا کہ عیدالفطر محبت، یکجہتی اور ایثار کا پیغام دیتی ہے اور اس موقع پر ہمیں مستحقین اور نادار طبقے کو نہیں بھولنا چاہیے۔ انہوں نے زور دیا کہ ہمیں اپنے ارد گرد موجود ضرورت مند افراد کا خاص خیال رکھنا چاہیے اور دہشت گردی کے شکار خاندانوں کی بھی یاد کرنی چاہیے۔
کھیئل داس کوھستانی نے سکیورٹی فورسز اور پاک افواج کے جوانوں کی قربانیوں کو خراج تحسین پیش کرتے ہوئے کہا کہ انہی قربانیوں کی وجہ سے ہم اپنے پیاروں کے ساتھ پرسکون عید منا سکتے ہیں۔
مزید پڑھیں:فیلڈ مارشل عاصم منیر کا کرم کا دورہ، عیدالفطر فوجی جوانوں کے ساتھ منائی
وزیر مملکت نے مزید کہا کہ عید پر ہمیں ایران، کشمیری اور فلسطینی بھائیوں کو بھی یاد رکھنا چاہیے، اور یہ دن سماجی ہم آہنگی، اتحاد اور قربانی کا درس دیتا ہے۔
