حریت رہنما یاسین ملک کی اہلیہ مشعال ملک نے کشمیری خاتون رہنما آسیہ اندرابی کو بھارتی عدالت کی جانب سے دی جانے والی سزا پر شدید ردعمل دیتے ہوئے اسے انصاف کے برعکس قرار دیا ہے۔ انہوں نے کہا کہ یہ فیصلہ ایک سوچی سمجھی سازش ہے اور کشمیری قیادت کی آواز دبانے کی کوشش ہے۔
مزید پڑھیں: بھارتی عدالت کی جانب سے آسیہ اندرابی کو عمر قید کی سزا، وزیراعظم آزاد کشمیر فیصل ممتاز راٹھور کی مذمت
حریت رہنما یاسین ملک کی اہلیہ مشعال ملک نے کشمیری رہنما آسیہ اندرابی کو بھارتی عدالت کی جانب سے دی جانے والی سزا پر شدید ردعمل دیتے ہوئے اسے انصاف کے برعکس قرار دیا ہے۔ انہوں نے کہا کہ یہ فیصلہ ایک سوچی سمجھی سازش ہے اور کشمیری قیادت کی آواز دبانے کی کوشش ہے۔@AmirSaeedAbbasi pic.twitter.com/LUo3YN2yMa
— Media Talk (@mediatalk922) March 25, 2026
مشعال ملک کا کہنا تھا کہ متنازع قوانین کے ذریعے آزادی کی جدوجہد کو کچلا جا رہا ہے اور یہ صرف چند افراد کی سزا نہیں بلکہ پوری قوم کے حق خودارادیت پر حملہ ہے۔ انہوں نے کہا کہ ایسے فیصلے انصاف کے تقاضوں کے خلاف ہیں اور کشمیری قیادت کو خاموش کرانے کی سازش عروج پر ہے۔
مزید پڑھیں: بھارتی یوم جمہوریہ پر کشمیریوں کا یوم سیاہ، احتجاجی ریلیاں، جدوجہد آزادی جاری رکھنے کا عزم
انہوں نے عالمی برادری کی خاموشی پر بھی سوال اٹھاتے ہوئے کہا کہ اگر آج آواز نہ اٹھائی گئی تو تاریخ اسے جرم سمجھے گی۔ مشعال ملک کے مطابق یہ فیصلہ نہیں بلکہ ایک قوم کی آواز کا گلا گھونٹا گیا ہے اور ایسی سزائیں انسانیت کے چہرے پر بدنما داغ ہیں۔
