روسی صدر ولادیمیر پیوٹن نے کہا ہے کہ ایران جنگ کے نتائج کورونا وبا جتنے سنگین ہوسکتے ہیں۔
یہ بھی پڑھیں: چین، روس اور شمالی کوریا ایران کے ساتھ مل کرکام کررہے ہیں، نیٹو چیف
جمعرات کو ماسکو میں تاجر رہنماؤں سے گفتگو کرتے ہوئے روسی صدر پیوٹن نے کہا کہ مشرق وسطیٰ میں ایران کے ساتھ تنازع کے نتائج کی درست پیشگوئی کرنا مشکل ہے اور یہ کورونا وبا کے مساوی سنگین اثرات رکھ سکتے ہیں۔
انہوں نے خبردار کیا کہ تنازع میں شامل فریق بھی مکمل طور پر نتائج کا اندازہ نہیں لگا سکتے۔ انہوں نے کہا کہ کورونا وبا کی طرح، ایران جنگ سے بھی بین الاقوامی لاجسٹکس، پیداوار اور سپلائی چینز کو شدید نقصان پہنچ سکتا ہے۔
یہ بھی پڑھیں: روس ایران کو امریکی فوجی تنصیبات کی معلومات فراہم کر رہا ہے، امریکی میڈیا چیخ اٹھا
صدر پیوٹن نے مزید کہا کہ اس بحران سے ہائیڈروکاربن، دھات اور کھاد کی صنعتوں پر دباؤ بڑھ رہا ہے اور روس کو ان چیلنجز سے نمٹنے کے لیے مضبوط اور متحد ہونا ہوگا۔
