نائب وزیراعظم اور وزیر خارجہ سینیٹر اسحاق ڈار نے ایرانی وزیر خارجہ عباس عراقچی کے حالیہ بیان کا خیر مقدم کیا ہے۔
سماجی رابطے کی سائٹ ایکس پر جاری اپنے بیان میں اسحاق ڈار نے کہا کہ وہ اپنے بھائی عباس عراقچی کی پاکستان کے حوالے سے وضاحت کو سراہتے ہیں۔
Truly appreciate your clarification, my Dear Brother @Araghchi. 🇵🇰 🤝 🇮🇷 https://t.co/reptX11LQa
— Ishaq Dar (@MIshaqDar50) April 4, 2026
قبل ازیں ایرانی وزیر خارجہ نے کہا تھا کہ ایران نے کبھی بھی مذاکرات کے لیے اسلام آباد جانے سے انکار نہیں کیا اور پاکستان کی طرف سے جنگ بندی کے لیے کی جانے والی کوششوں پر تہہ دل سے شکریہ ادا کرتے ہیں۔
عباس عراقچی نے مزید کہاکہ ایران اس بات پر زور دیتا ہے کہ جنگ کا خاتمہ جامع اور دائمی ہونا چاہیے، جبکہ امریکی میڈیا ایران کے موقف کو غلط انداز میں پیش کر رہا ہے۔
اپنے بیان کے آخر میں عباس عراقچی نے پاکستان زندہ باد لکھا اور پاکستان کی کوششوں کے اعتراف میں ایک شکریہ کی ویڈیو بھی شیئر کی۔
