ایران اور امریکہ نے دو ہفتوں کے لیے جنگ بندی کی تجویز قبول کر لی ہے، جسے خطے میں کشیدگی کے خاتمے کی جانب ایک اہم پیش رفت قرار دیا جا رہا ہے۔ ایران کے وزیر خارجہ سید عباس عراقچی نے جنگ بندی کے اعلان پر پاکستان کی قیادت کا شکریہ ادا کرتے ہوئے کہا کہ پاکستان نے خطے میں امن کے قیام کے لیے کلیدی کردار ادا کیا ہے۔
Statement on behalf of the Supreme National Security Council of the Islamic Republic of Iran: pic.twitter.com/cEtBNCLnWT
— Seyed Abbas Araghchi (@araghchi) April 7, 2026
انہوں نے وزیراعظم شہباز شریف اور عاصم منیر کی کوششوں کو سراہتے ہوئے کہا کہ ان کی سفارتی کاوشیں قابلِ قدر ہیں۔ امریکی صدر ڈونلڈ ٹرمپ نے کہا ہے کہ پاکستان کے وزیرِ اعظم شہباز شریف اور آرمی چیف فیلڈ مارشل عاصم منیر سے بات چیت کے بعد جنگ بندی کا فیصلہ کیا ہے۔ وہ ایران کے خلاف طے شدہ حملے کو دو ہفتوں کے لیے مؤخر کرنے پر آمادہ ہیں، بشرطیکہ ایران آبنائے ہرمز کو فوری، مکمل اور محفوظ طریقے سے کھول دے۔
عالمی سطح پر اس پیش رفت کو پاکستان کی ایک بڑی سفارتی کامیابی قرار دیا جا رہا ہے اور پاکستان کی امن کوششوں کو سراہا جا رہا ہے۔ پاکستان میں تعینات برطانوی ہائی کمشنر جین میریٹ نے بھی جنگ بندی پر پاکستان کا شکریہ ادا کیا کہ اس نے اس جنگ بندی کو ممکن بنانے میں مؤثر اور سفارتی کردار ادا کیا۔
Thank you Pakistan for the quiet, effective, diplomatic role you have played in bringing about this vital ceasefire. @CMShehbaz @ForeignOfficePk https://t.co/frHAYxtYTS
— Jane Marriott (@JaneMarriottUK) April 8, 2026
ابصار عالم کہتے ہیں کہ دن رات کی انتھک محنت، مشکل حالات میں بہترین سفارت کاری، دنیا کو جنگ سے بچانے، پاکستانی جھنڈا پوری دنیا میں بلند کرنے، عالمی میڈیا میں پاکستان کی تعریفوں پر وزیراعظم شہباز شریف، فیلڈ مارشل عاصم منیر، نائب وزیراعظم اسحاق ڈار، ان کی ساری ٹیم اور پوری قوم کو دل سے مبارکباد
دن رات کی انتھک محنت، مُشکل حالات میں بہترین سفارت کاری، دُنیا کو جنگ سے بچانے، پاکستانی جھنڈا پُوری دُنیا میں بلند کرنے، عالمی میڈیا میں پاکستان کی تعریفوں پر وزیر اعظم شہباز شریف، فیلڈ مارشل عاصم مُنیر، نائب وزیراعظم اسحٰق ڈار، اُن کی ساری ٹیم، پُوری قوم کو دل سے مُبارکباد
🧿— Absar Alam (@AbsarAlamHaider) April 8, 2026
صحافی سیرل المیڈا نے لکھا کہ عاصم منیر اور شہباز شریف نے دنیا کو تباہی سے بچا لیا۔
Asim and Shahbaz… save the world…
— cyril almeida (@cyalm) April 7, 2026
ایک سوشل میڈیا صارف نے وزیراعظم شہباز شریف کا شکریہ ادا کرتے ہوئے کہا کہ ایٹمی جنگ کو روکنے اور نہ صرف خلیجی خطے بلکہ پوری دنیا کو بچانے پر آپ کا شکریہ۔ آپ کو ہمیشہ ایک ہیرو کے طور پر یاد رکھا جائے گا۔
Thank you @CMShehbaz Saheb for stopping a nuclear war and saved not only gulf but the entire world. You will be remembered as a hero till the end of the world. God Bless you.🙏🌹
— KRK (@kamaalrkhan) April 7, 2026
نورین سلیم جنجوعہ لکھتی ہیں کہ آج سے پاکستانی جہاں بھی جائیں گے اپنے ملک کے نام سے پہچانے جائیں گے۔ پاکستانی پاسپورٹ اب جہاں بھی جائے ہر امیگریشن کی لائن میں ہر ملک میں ہر میڈیا میں یہ نام انجان یا گمنام ملک کے طور پر نہیں بلکہ نامور مضبوط اور قابلِ احترام ریاست کے طور پر دیکھا جائے گا۔
آج سے پاکستانی جہاں بھی جائیں گے اپنے ملک کے نام سے پہچانے جائیں گے ۔ پاکستانی پاسپورٹ اب جہاں بھی جائے ہر امیگریشن کی لائن میں ہر ملک میں ہر میڈیا میں یہ نام انجان یا گمنام ملک کے طور پر نہیں بلکہ نامور مضبوط اور قابلِ احترام ریاست کے طور پر دیکھا جائے گا ۔
— Naureen Saleem Janjua (@NaureenJanjua) April 8, 2026
میر محمد علی خان نے کہا کہ پاکستان زندہ باد۔ جو کام آج پاکستان کرگیا وہ دنیا میں ہزاروں سال تک یاد رکھا جائے گا۔
پھر کہونگا۔
پاکستان زندہ باد۔ جو کام آج پاکستان کرگیا وہ دنیا میں ہزاروں سال تک یاد رکھا جائیگا۔ ۔
— Mir Mohammad Alikhan (@MirMAKOfficial) April 7, 2026
اسد چوہدری لکھتے ہیں کہ وزیراعظم شہباز شریف اور فیلڈ مارشل عاصم منیر نے دنیا کو بڑی تباہی سے بچا کر 2 ہفتے کے لیے ایران اور امریکا کی جنگ بندی کروا دی ہے۔ ان کا کہنا تھا کہ معاہدہ ہو جائے تو امن کا نوبل ان دونوں کا ہونا چاہیے۔
شہباز شریف/فیلڈ مارشل نے دنیا کو بڑی تباہی سے بچا کر 2 ہفتے کی ایران/امریکا جنگ بندی کروا دی۔
ٹرمپ/ایران۔۔۔مان گئے
(معاہدہ ہو جائے تو امن کا نوبل ان دونوں کا ہونا چاہیے)فیلڈ مارشل/شہباز شریف(پاکستان) کی وجہ سے خلیجی ممالک اور پوری دنیا 2 ہفتے کے لیے فی الحال تباہی سے بچ گئی۔… pic.twitter.com/P2aqQxi6if
— Asad R Chaudhry (@Asadrchaudhry) April 7, 2026
حیدر عباسی نے مزاحیہ انداز میں لکھا کہ ٹرمپ کو نامزد کرتے کرتے چچا نے خود ہی نوبل امن انعام لے لیا۔
Trump ko nominate karte karte Chachu ne khud Nobel Peace Prize le leea.
— Haider Abbasi (@HaiderKAbbasi) April 7, 2026
وزیراعظم پاکستان شہباز شریف نے جنگ بندی کا اعلان کرتے ہوئے ایران اور امریکہ کے وفود کو 10 اپریل کو اسلام آباد میں مذاکرات کے لیے مدعو کیا ہے۔ ذرائع کے مطابق دونوں ممالک کے درمیان باضابطہ مذاکرات اسی تاریخ سے شروع ہوں گے۔
ایرانی حکام کے مطابق امریکہ کے ساتھ مذاکرات کے لیے 10 نکاتی ایجنڈا تیار کیا گیا ہے جس پر بات چیت اسلام آباد میں ہوگی۔ اس ایجنڈے میں ایران کے یورینیم افزودگی کے حق کو تسلیم کرنے، عائد پابندیوں کے خاتمے اور مستقبل میں ممکنہ حملوں کے خلاف مضبوط ضمانتوں جیسے نکات شامل ہیں۔
