امریکا اور ایران کے درمیان جنگ بندی کے بعد ممکنہ امن معاہدے کے لیے اہم اور تاریخی مذاکرات آج اسلام آباد میں منعقد ہو رہے ہیں جس میں شرکت کے لیے غیر ملکی وفود کی آمد کا سلسلہ جاری ہے۔ اس اہم پیش رفت کے باعث جہاں عالمی برادری کی نظریں پاکستان پر مرکوز ہیں وہیں امریکی نائب صدر جے ڈی وینس کی پاکستان آمد سوشل میڈیا صارفین کی خاص توجہ کا مرکز بنی ہوئی ہے۔
ان کی آمد کے ساتھ ہی سوشل میڈیا پر صارفین کی جانب سے دلچسپ تبصروں اور میمز کا سلسلہ شروع ہو گیا ہے۔ پاکستانی سوشل میڈیا صارفین خصوصاً میمرز نے اپنی روایتی حسِ مزاح کا مظاہرہ کرتے ہوئے مختلف تخلیقی اور مزاحیہ میمز شیئر کیے جو تیزی سے وائرل ہو رہے ہیں۔ بدلتی ہوئی صورتحال کے باوجود پاکستانی عوام کا منفرد طنز و مزاح ایک بار پھر نمایاں نظر آ رہا ہے۔
اسامہ نامی صارف نے جے ڈی وینس کو مخاطب کرتے ہوئے لکھا کہ آتے ہوئے پی ٹی اے اپروو آئی فون 17 پرو میکس لے کر آنا ورنہ کسٹم والے روک لیں گے۔
JD Vance aatay huay PTA approved iPhone 17 le aana warna customs walay rok lenge
— Usama ki Memes (@Usamakimemes1) April 9, 2026
الیشبا نامی صارف نے جے ڈی وینس کی ایک تصویر شیئر کرتے ہوئے لکھا کہ امریکی نائب صدر کو کوئٹہ کے کاکر ہوٹل میں مشہور انڈا پراٹھا کھاتے ہوئے دیکھا گیا۔
JD Vance having the legendary anda paratha at quetta kakar hotel!!💃 pic.twitter.com/HaYEKRVgsh
— Alishba M. (@whatisgrey2) April 9, 2026
سید زین رضا نے امریکی نائب صدر جے ڈی وینس کی معروف صحافی سہیل وڑائچ کے ساتھ ایک تصویر شیئر کی جس کے ساتھ انہوں نے دلچسپ انداز میں سوال اٹھایا کہ گورا رنگ، سنہرے بال، اوپر سے امریکا میں صدارت کے اگلے امیدوار۔ جوانی میں عشق تو خوب کیا ہوگا؟
"گورا رنگ، سنہرے بال، اوپر سے امریکہ میں صدارت کے اگلے امیدوار۔ جوانی میں عشق تو خوب کیا ہوگا؟" pic.twitter.com/HFzPm8ey7q
— Syed Zain Raza (@MrZainRaza) April 9, 2026
ایک سوشل میڈیا صارف نے لکھا کہ پاکستان پہنچتے ہی جے ڈی وینس کا موبائل پی ٹی اے اپرووڈ نا ہونے کی وجہ سے بند ہو گیا۔
پاکستان پہنچتے ہی جے ڈی وینس کا موبائل پی ٹی اے اپرووڈ نا ہونے کی وجہ سے بند ہو گیا pic.twitter.com/KFDl6Cc2rt
— ⩇⩇:⩇⩇ (@iv1cky) April 10, 2026
ایک سوشل میڈیا صارف نے جے ڈی وینس کی تصویر ندا یاسر کے ساتھ شیئر کر دی اور لکھا کہ امریکی نائب صدر پاکستان آمد کے ساتھ ہی ندا یاسر کو انٹرویو دینے پہنچ گئے۔
First morning of JD Vance in Pakistan pic.twitter.com/3VnsgvIPe3
— J110 (@jawismm) April 9, 2026
افی نامی صارف نے کہا کہ پاکستان کے دورے کے دوران امریکی نائب صدر نے جیلا آئل فیلڈز کا تفصیلی دورہ کیا۔
During his visit to Pakistan, J.D. Vance visited Jeela Oil Fields. pic.twitter.com/zggQs5zwqj
— iffi (@iffiViews) April 9, 2026
واضح رہے کہ گزشتہ روز بھارتی وزیراعظم نریندر مودی کے حوالے سے دلچسپ میمز وائرل ہوئی تھیں جن میں انہیں وزیراعظم شہباز شریف، فیلڈ مارشل عاصم منیر، امریکی صدر ڈونلڈ ٹرمپ اور ایرانی وفد کو چائے پیش کرتے ہوئے دکھایا گیا۔
صارفین نے طنزاً لکھا کہ مودی کو آخرکار اسلام آباد میں ویٹر کا درجہ مل گیا اب وہ ڈونلڈ ٹرمپ، ایران اور عاصم منیر کو چائے پیش کریں گے۔ اور کئی صارفین نے کہا کہ ’بھارت کی نئی خارجہ پالیسی ایک قوم، ایک ویٹر‘۔
