پاکستان کی نامور ماہرِ علمِ نجوم سامعہ خان کی سال 2023 میں کی گئی ایک پیش گوئی حالیہ دنوں میں دوبارہ زیرِ بحث آ گئی ہے، جس میں انہوں نے دعویٰ کیا تھا کہ دنیا ایک بڑے عالمی تنازع کی طرف بڑھ رہی ہے تاہم پاکستان اس تنازع میں براہِ راست شامل نہیں ہوگا بلکہ بعض اہم عالمی فیصلوں میں مرکزی کردار ادا کرے گا۔
سامعہ خان کے حامیوں کا کہنا ہے کہ ان کی 2023 کی پیش گوئی درست ثابت ہوئی ہے، کئی صارفین ان کی دیگر پیش گوئیوں کے بارے میں بھی بات کرتے نظر آئے اورکہا کہ وہ ہمیشہ ٹھیک کہتی ہیں۔
View this post on Instagram
ایک صارف کا کہنا تھا کہ ان کی تقریباً تمام پیش گوئیاں ہی درست ثابت ہوئی ہیں کیونکہ میں کو کافی وقت سے فالو کر رہی ہوں، جبکہ کئی صارفین نے کہا کہ پاکستان خطے میں ہمیشہ ہی اہم رہا ہے اور ثالثی کے لیے جانا جاتا ہے اس میں سامعہ خان نے کوئی انوکھی بات نہیں کی۔
واضح رہے کہ امریکا اور ایران کے جنگ بندی میں پاکستان نے اہم کردار ادا کیا جس کا عالمی برادری نے خیرمقدم کیا ہے اور خطے میں کشیدگی کے خاتمے کی جانب ایک اہم پیش رفت قرار دیا جا رہا ہے۔ اس پیش رفت کو پاکستان کی بڑی سفارتی کامیابی قرار دیا جا رہا ہے اور پاکستان کی امن قائم کرنے کی کوششوں کو بین الاقوامی سطح پر سراہا جا رہا ہے۔
