پاکستان کی مؤثر اور شاندار سفارتکاری کے باعث عالمی سطح پر ملک کی پذیرائی میں اضافہ ہوا ہے، جبکہ بھارت میں اس پیشرفت پر شدید ردعمل دیکھنے میں آ رہا ہے اور صفِ ماتم بچھ گئی ہے۔
پاکستان کی ثالثی سے امن کی جیت پر بھارتی میڈیا شدید تذبذب، مایوسی اور حیرت کا شکار ہے، جبکہ گودی میڈیا اس صورتحال پر سیخ پا نظر آتا ہے۔
سنگاپور کے معروف جریدے دی اسٹریٹ ٹائمز نے بھی بھارت میں مودی حکومت کی پسپائی پر ہونے والی کڑی تنقید کو آشکار کیا ہے۔
بھارتی سیاستدان اور مصنف سنجے جاہ نے مودی حکومت کو شدید تنقید کا نشانہ بناتے ہوئے کہا ہے کہ مودی سرکار ناکامی کا شکار ہو چکی ہے، جبکہ پاکستان دنیا کو تباہ کن خطرات سے نکالنے میں کامیاب رہا ہے۔
اسی طرح بھارتی سیاستدان ششی تھرور کے مطابق پاکستان اب مرکزی حیثیت اختیار کرتے ہوئے دنیا کے لیے نیٹ سیکیورٹی پرووائیڈر بن چکا ہے۔
بھارتی دفاعی تجزیہ کار یشپال سنگھ نے دعویٰ کیاکہ امریکا اور ایران کے وفود اسلام آباد آئیں گے اور پاکستان ان کے درمیان ثالثی کا کردار ادا کرے گا۔
بھارتی جریدے ہندوستان ٹائمز سمیت دیگر میڈیا چینلز نے بھی نام نہاد وشو گرو کے دعویدار مودی حکومت کی پالیسیوں کو تنقید کا نشانہ بنایا ہے، جبکہ بھارتی اپوزیشن رہنما راہول گاندھی اور دیگر سیاسی شخصیات نے مودی کی سفارتکاری کو نمائشی، کمزور اور ناکام قرار دیا ہے۔
ماہرین کے مطابق تصویری نمائش اور کھوکھلے دعوؤں پر مبنی نام نہاد وشو گرو بھارت انتہاپسندانہ پالیسیوں کے باعث عالمی سطح پر تنہائی کا شکار ہوتا جا رہا ہے۔
