بابر اعظم نے پی ایس ایل میں تاریخی سنگ میل عبور کر لیا

پشاور زلمی کے کپتان بابر اعظم نے پاکستان سپر لیگ (پی ایس ایل 11) میں لاہور قلندرز کے خلاف میچ کے دوران ایک اہم ریکارڈ اپنے نام کر لیا۔

یہ بھی پڑھیں: پی ایس ایل سیزن 11، پشاور زلمی کا لاہور قلندرز کو جیت کے لیے 174رنز کا ہدف

ہفتے کو نیشنل بینک اسٹیڈیم کراچی میں کھیلے گئے اس میچ میں بابر اعظم نے 40 گیندوں پر 43 رنز کی اننگز کھیلی جس میں 3 چوکے اور ایک چھکا شامل تھا۔ اس کارکردگی کے ساتھ وہ پی ایس ایل کی تاریخ میں 4,000 رنز بنانے والے پہلے کھلاڑی بن گئے۔

بابر اعظم نے یہ سنگِ میل اپنے 105ویں میچ میں حاصل کیا جبکہ ان کا اسٹرائیک ریٹ 127.92 رہا ہے۔

مزید پڑھیے: پی ایس ایل 11، پشاور زلمی نے کراچی کنگز کو 159رنز سے شکست دے دی

ان کے ریکارڈ میں 37 نصف سینچریاں اور 2 سنچریاں بھی شامل ہیں جو ان کی مستقل مزاجی کو ظاہر کرتی ہیں۔

دیگر نمایاں بیٹرز

پی ایس ایل میں سب سے زیادہ رنز بنانے والوں کی فہرست میں بابر اعظم 4004* رنز، فخر زمان 3018 رنز، محمد رضوان 2853 رنز، ریلی روسو 2366 رنز اور شعیب ملک 2350 رنز شامل ہیں۔